మరో ఇంటివాడైన మహేష్‌..! మరో ఇంటివాడైన మహేష్‌..!

'శ్రీమంతుడు' తర్వాత మహేష్‌ రేంజ్‌ పూర్తిగా మారిపోయింది. ఆయన ఉత్సాహంతో దర్శకుడు కొరటాల శివకు, తన కుమారుడు గౌతమ్‌కృష్ణలకే కాకుండా తాను కూడా రేంజి రోవర్‌ కారు కొనుకున్నాడు. ఇప్పుడు ఆయన ఓ ఖరీదైన లొకాలిటీలో ఫ్లాట్‌ కొన్నట్లు సమాచారం. తాజా సమాచారం ప్రకారం ఆయన ఆ ఫ్లాట్‌ కొన్నది ముంబైలోని సబర్బన్‌ ఏరియాలో. ఆ ఫ్లాట్‌ ఖరీదు 25కోట్లు అని తెలుస్తోంది. సల్మాన్‌ఖాన్‌ అతని స్నేహితులు వేసిన వెంచర్‌లోనే ఈ ఫ్లాట్‌ ఉంది. ఈమధ్య ఈ ఫ్లాట్‌ విషయం కోసం మహేష్‌ -నమ్రతలు ముంబై వెళ్లి ఆ ఫ్లాట్‌కు సంబంధించిన పేపర్‌ వర్క్‌ పూర్తి చేసుకొని వచ్చారు. అయితే ఈ 25కోట్లు తను తర్వాత చేయబోయే చిత్రాల కోసం ఇద్దరు ప్రొడ్యూసర్స్‌ వద్ద అడ్వాన్స్‌గా తీసుకున్న మొత్తం అని తెలుస్తోంది. ముంబై వెళ్లినప్పుడు ఈ ఫ్లాట్‌ ఉపయోగిస్తారట. అలాగే తమ కుటుంబ సభ్యులు ఎవరైనా ముంబై వెళితే, హోటల్‌లో దిగకుండా ఈ ఫ్లాట్‌లోనే దిగవచ్చుననే ఉద్దేశ్యంతోనే అంత రేటు పెట్టి దాన్ని కొనుగోలు చేశారని సమాచారం.