'డిక్టేటర్‌'లో ఒక్కపాటకు ఇంత ఖర్చా! 'డిక్టేటర్‌'లో ఒక్కపాటకు ఇంత ఖర్చా!

ఎన్ని భారీ హంగులతో సినిమాను తీర్చిదిద్దితే అంత బాగుంటుంది.... బిజినెస్‌ బాగా అవుతుంది అని నమ్ముతున్నారు ఈనాటి దర్శకనిర్మాతలు. అందుకే పాటలు, ఫైట్లపై కోట్లు కుమ్మరిస్తున్నారు. తాజాగా బాలకృష్ణ హీరోగా చేస్తున్న 'డిక్టేటర్‌'లోని ఓ పాట కోసం ఏకంగా కోటి రూపాయలకు పైగా వెచ్చించాడు దర్శకుడు శ్రీవాస్‌. బాలకృష్ణ, వందల మంది డాన్సర్లతో ఈ పాటను హైదరాబాద్‌లో తెరకెక్కిస్తున్నారు. ఈ పాట కోసం ఓ భారీ సెట్‌ కూడా వేశారు. రోజుకి 30లక్షల చొప్పున దాదాపుగా కోటిరూపాయలకు పైగా మొత్తాన్ని ఈ పాట కోసం కేటాయించినట్లు తెలుస్తోంది. సినిమా మొత్తానికి ఈ పాట ప్రధాన ఆకర్షణగా నిలవబోతోందిట. తమన్‌ సంగీతం అందించిన ఈ పాట సినిమాకు హైలైట్‌ కానుందని తెలుస్తోంది. కాగా ఈ చిత్రాన్ని సంక్రాంతి కానుకగా విడుదలకు ప్లాన్‌ చేస్తున్నారు.