జనతా గ్యారేజ్‌ లో ఎన్టీఆర్‌కు ఏం పని?

త్వరలో ఎన్టీఆర్‌ హీరోగా కొరటాల శివ దర్శకత్వంలో మైత్రి మూవీస్‌ సంస్థ నిర్మించనున్న చిత్రం ఆదివారం లాంఛనంగా మొదలవ్వనుంది. కాగా ఈ చిత్రం కథ ఇప్పటికే ఓకే అయిందని  తెలుస్తోంది. ఇందులో ఎన్టీఆర్‌ మెకానిక్‌గా కనిపించనున్నాడట. గతంలో అశోక్‌ చిత్రంలో కూడా ఎన్టీఆర్‌ మెకానిక్‌గా నటించాడు. ఈ చిత్రం ఫ్లాప్‌ అయింది. ఈసారి కొరటాల శివ కూడా ఎన్టీఆర్‌ను మెకానిక్‌గా చూపించబోతున్నాడట. ఈచిత్రానికి జనతా గ్యారేజ్‌ అనే టైటిల్‌ను, ఇక్కడ అన్ని రిపేర్లు చేయబడును అనేది ట్యాగ్‌లైన్‌ అని తెలుస్తోంది. మరి కొరటాల మెకానిజం ఎలా ఉంటుందో వేచిచూడాలి...!