మెగాహీరో వరుణ్‌తేజ్‌ హీరోగా దర్శకుడు క్రిష్‌ దర్శకత్వంలో తెరకెక్కి ఏ సెంటర్‌ ప్రేక్షకులను మరీముఖ్యంగా మల్టీప్లెక్స్‌ ఆడియన్స్‌ను విపరీతంగా ఆకర్షిస్తున్న చిత్రం కంచె. ఈ చిత్రం సాధారణ ప్రేక్షకులకు అర్థంకానప్పటికీ పలువురు మేధావులు, విమర్శకుల ప్రశంసలు అందుకొంటోంది. దీంతో క్రిష్‌ దర్శకత్వంలో ఓ చిత్రం చేయడానికి స్టార్‌ హీరోలు కూడా సుముఖంగానే ఉన్నారు. కాగా ఈ చిత్రానికి కొత్తగా అదనపు సన్నివేశాలను కలుపుతున్నారు.
తాజాగా క్రిష్‌ మరో మంచి నేపథ్యాన్ని ఎంచుకొని ఓ వైవిధ్యమైన స్టోరీని ప్రిపేర్‌ చేస్తున్నట్లు సమాచారం. ఈ చిత్రం కంచె కంటే భారీ బడ్జెట్‌తో రూపొందించాల్సిన కథాంశం అని సమాచారం. వాస్తవానికి టాలీవుడ్‌ సూపర్‌స్టార్‌ మహేష్‌బాబు, రామ్‌చరణ్‌, బన్నీలు క్రిష్‌ దర్శకత్వంలో నటించడానికి ఆసక్తి చూపుతున్నారని, తాను తయారు చేసే సబ్జెక్ట్‌కు ఓ పెద్ద హీరో కావాలని క్రిష్‌ సైతం భావిస్తున్నాడని సమాచారం. మరి ఈ చిత్రం ఎవరితో? ఎప్పుడు? ఉంటుందో అని అందరూ ఆసక్తిగా ఎదురుచూస్తున్నారు. అలాగే త్వరలో రామోజీరావుతో కలిసి క్రిష్‌ రెండు చిన్న సినిమాలను నిర్మించే ప్లాన్‌లో ఉన్నాడట!
Loading..