టాలీవుడ్‌ సూపర్‌స్టార్‌ మహేష్‌బాబు నటించిన పోకిరి చిత్రాన్ని వాంటెడ్‌ పేరుతో రీమేక్‌ చేసి పెద్ద హిట్‌ కొట్టిన కండలవీరుడు సల్మాన్‌ఖాన్‌ మరోసారి ఓ సౌత్‌ సినిమా రీమేక్‌పై కన్నేశాడు. మహేష్‌, శృతిహాసన్‌ జంటగా కొరటాల శివ దర్శకత్వంలో వచ్చి కలెక్షన్ల దుమ్మురేపిన శ్రీమంతుడుపై ప్రస్తుతం సల్మాన్‌ఖాన్‌ కన్ను పడింది. ఈమేరకు మైత్రి మూవీస్‌ అధినేతలతో సల్మాన్‌ చర్చలు కూడా జరిపినట్లు సమాచారం. అయితే అనుకోని విధంగా ఈ చిత్రం రీమేక్‌రైట్స్‌ కోసం పలు ప్రముఖ నిర్మాణసంస్థలు, హీరోలు కన్నేయడంతో ఈ చిత్రం బాలీవుడ్‌ రీమేక్‌ రైట్స్‌కు రోజురోజుకీ గిరాకీ పెరుగుతోంది. ఇప్పటికే ఈ చిత్రం రీమేక్‌ హక్కులను 10కోట్లకు తీసుకోవడానికి సల్మాన్‌ సైతం సై అంటున్నాడు. కానీ ఈ చిత్ర నిర్మాణంలో మహేష్‌బాబు కూడా భాగస్వామి కావడంతో మైత్రి మూవీస్‌ అధినేతలు ఎవరికి బాలీవుడ్‌ రైట్స్‌ ఇవ్వాలి? అనే విషయాన్ని మహేష్‌ నిర్ణయానికే వదిలేశారట. మరి మహేష్‌ తీసుకొనే నిర్ణయంపైనే సల్మాన్‌ ఆశలు పెట్టుకొని ఉన్నాడని బాలీవుడ్‌ సమాచారం.
Advertisement
Loading..