డైరెక్టర్‌ శంకర్‌కి ఒక స్పెషాలిటీ వుంది. తన ప్రతి సినిమాలో ఏదో ఒక ప్రత్యేకత వుంటుంది. ఆ ప్రత్యేకతను చూసేందుకే అభిమానులు శంకర్‌ సినిమా కోసం ఎన్ని సంవత్సరాలైనా ఎదురుచూస్తుంటారు. జయాపజయాలు సర్వసాధారణం కాబట్టి అతని రీసెంట్‌ సినిమా ఐ అందర్నీ ఆకట్టుకోలేకపోయింది. ప్రాణం పెట్టి చేసిన విక్రమ్‌ అభాసుపాలయ్యాడు. ఇప్పుడు లేటెస్ట్‌గా శంకర్‌ చేయబోతున్న ప్రాజెక్ట్‌ రోబో2. సూపర్‌స్టార్‌ రజనీకాంత్‌ పుట్టినరోజు డిసెంబర్‌ 12న ఈ చిత్రం ప్రారంభం కాబోతోంది. ఈచిత్రంలో విలన్‌గా నటిస్తారని అమీర్‌ఖాన్‌, షారూఖ్‌ ఖాన్‌ పేర్లు గతంలో వినిపించాయి. ఇప్పుడు ఈ చిత్రంలో హాలీవుడ్‌ హీరో అర్నాల్డ్‌ ష్వార్జెనెగర్‌ విలన్‌గా నటిస్తాడని వార్తలు వస్తున్నాయి. రోబో2లో విలన్‌గా నటించడానికి అతను ఓకే చెప్పాడని, 25 రోజులు డేట్స్‌ కూడా కేటాయించాడని సమాచారం. ఇదిలా వుంటే ఈ చిత్రంలో విలన్‌గా నటించేందుకు అర్నాల్డ్‌ 100 కోట్లు డిమాండ్‌ చేశాడని, ఆ మొత్తం ఇవ్వడానికి రోబో2 ప్రొడ్యూసర్స్‌ కూడా ఓకే చెప్పారని తెలుస్తోంది. అంత పెద్ద మొత్తం ఇండియాలోని ఏ స్టార్‌ హీరోకీ ఇవ్వలేదని, విలన్‌ క్యారెక్టర్‌ కోసం అంత పెద్ద మొత్తం ఇవ్వడం ఏమిటి అనేవాళ్ళూ లేకపోలేదు.
రజనీకాంత్‌కి ఇండియాలోనే కాదు ఓవర్సీస్‌లో కూడా మంచి మార్కెట్‌ వుండడం వల్ల ఈ చిత్రాన్ని 350 కోట్ల భారీ బడ్జెట్‌తో తెరకెక్కించేందుకు శంకర్‌ డిసైడ్‌ అయ్యాడు. అందుకే ఈ చిత్రంలో ఓ స్పెషల్‌ అట్రాక్షన్‌ వుండాలన్న ఉద్దేశంతో అర్నాల్డ్‌ని ఈ ప్రాజెక్ట్‌లోకి లాగాడు. బాహుబలిలాంటి భారీ బడ్జెట్‌ సినిమా రెమ్యునరేషన్‌ అర్నాల్డ్‌ ఒక్కడికే ఇచ్చి అతనితో రోబో2లో యాక్ట్‌ చేయిస్తున్నాడు. ఐ చిత్రంలో హీరోయిన్‌గా నటించిన ఎమీ జాక్సన్‌ ఈ చిత్రంలో హీరోయిన్‌గా నటించే అవకాశం వుందని తెలుస్తోంది.
Loading..