కొరియోగ్రాఫర్‌గా మారిన దేవిశ్రీ...! కొరియోగ్రాఫర్‌గా మారిన దేవిశ్రీ...!

సంగీత దర్శకునిగానే కాదు.. మంచి డాన్సర్‌గా, యువతకు నచ్చే మంచి పాటల రచయితగా కూడా దేవిశ్రీప్రసాద్‌కు మంచి గుర్తింపు ఉంది. కాగా ఆయన ప్రస్తుతం సుకుమార్‌ సమర్పణలో రూపొందుతున్న కుమారి21 ఎఫ్‌ చిత్రానికి సంగీతం అందిస్తున్నాడు. ఓ వైపు స్టార్‌హీరోల చిత్రాలకే సంగీతం అందించడానికి సమయం లేక ఇబ్బందులు పడుతున్న దేవిశ్రీప్రసాద్‌ రాజ్‌తరుణ్‌ వంటి చిన్న హీరో చిత్రానికి సంగీతం అందిస్తున్నాడంటే అది రాజ్‌తరుణ్‌ అదృష్టమనే చెప్పాలి. అయితే సుకుమార్‌ మీద ఉన్న గౌరవంతో ఆయన ఈ చిత్రానికి సంగీతం అందించడానికి ఒప్పుకున్నాడనేది జగమెరిగిన సత్యం. తాజాగా దేవిశ్రీప్రసాద్‌ ఈ చిత్రంలోని ఓ పాటకు కొరియోగ్రాఫర్‌గా కూడా పనిచేశాడట. ఈ పాటను విదేశాల్లో చిత్రీకరించారని సమాచారం. మరి కొరియోగ్రాఫర్‌ అవతారంలో దేవిశ్రీ ఎంతగా సక్సెస్‌ అవుతాడో వేచిచూడాల్సివుంది..!