కోనవెంకట్ అలా.. బాగా సంపాదిస్తున్నాడు! కోనవెంకట్ అలా.. బాగా సంపాదిస్తున్నాడు!

రచయితగా కోనవెంకట్ తెలుగు సినిమా పరిశ్రమలో తనకంటూ ఓ బ్రాండ్ ఇమేజ్‌ని సృష్టించుకున్నాడు. టాలీవుడ్‌తో పాటు బాలీవుడ్‌లో కూడా కోనకు మంచి డిమాండే వుంది. అయితే కేవలం రచయితగానే కాకుండా కోనవెంకట్ మరో రూపంలో కూడా బాగానే సంపాదించుకుంటున్నాడని ఫిల్మ్‌నగర్ టాక్. ప్రాజెక్టులు సెట్ చేయడం.. ఆ సినిమాకు తన పేరును సమర్పకుడిగా వేసుకోవడం, సినిమాలో షేర్‌ను తీసుకోవడం కోనవెంకట్ సంపాందనలోని రహస్యమట. అప్పట్లో ‘గీతాంజలి’ చిత్రానికి సమర్పకుడిగా వ్యవహరించిన కోన, ప్రస్తుతం నిఖిల్ శంకరాభరణంతో పాటు, నాగచైతన్య-గౌతమ్‌మీనన్ కలయికలో రూపొందుతున్న ‘సాహసమే శ్వాసగా సాగిపో’ చిత్రానికి కూడా సమర్పకుడిగా వ్యవహరిస్తున్నాడు. అయితే ఈ చిత్రాలకు కోనవెంకట్ డబ్బు రూపంలో పెట్టుబడి ఏమీ పెట్టడని, కేవలం ఆ కాంబినేషన్‌లు సెట్ చేసి అందుకు ఫలితంగా సమర్పణ పేరుతో పాటు సినిమా బిజినెస్‌లో షేర్ తీసుకుంటాడట.. సో. ఏదైనా రైటర్‌గా కంటే ఇలానే కోన సంపాదన బాగుందని వినికిడి.