అల్లుఅరవింద్‌ దృష్టిలో పడ్డాడు! అల్లుఅరవింద్‌ దృష్టిలో పడ్డాడు!

'ఉయ్యాల జంపాల'తో పాటు 'సినిమా చూపిస్తమావ' తో రెండో హిట్‌ను సొంతం చేసుకున్న హీరో రాజ్‌తరుణ్‌. ఆయన ప్రస్తుతం నాని, సందీప్‌కిషన్‌, నాగశౌర్య, వరుణ్‌సందేశ్‌ వంటి హీరోలకు పెద్ద కాంపిటీటర్‌గా తయారై అందరినీ ఆకట్టుకుంటున్నాడు. ప్రస్తుతం ఈ హీరో చేతిలో మూడు సినిమాలు ఉన్నాయి. కాగా తన నటించి విడుదలైన రెండు చిత్రాలతో ఆయన మెగా ప్రొడ్యూసర్‌ అల్లుఅరవింద్‌ దృష్టిలో పడ్డాడట. దాంతో రాజ్‌తరుణ్‌ హీరోగా గీతాఆర్ట్స్‌2 సంస్థలో ఓ చిత్రం రూపొందనుందని సమాచారం. ఈ మేరకు ఈ యంగ్‌హీరోకు అడ్వాన్స్‌ కూడా ముట్టిందట. ఈ చిత్రం ద్వారా మున్నా అనే యువ దర్శకుడు పరిచయం అవుతున్నాడు. కాగా ఈ చిత్రాన్ని బన్నీ వాసుతో కలిసి మారుతి సంయుక్తంగా నిర్మించనున్నాడట. సో... మెగాకాంపౌండ్‌ మూవీలో చోటు దక్కించుకోవడంతో ఈ యంగ్‌ హీరో ఆనందంతో ఉబ్బితబ్బిబవుతున్నాడట...!