ఎన్టీఆర్‌, సుకుమార్‌ సినిమాలో ట్విస్ట్‌ ఇదే! ఎన్టీఆర్‌, సుకుమార్‌ సినిమాలో ట్విస్ట్‌ ఇదే!

ప్రస్తుతం జూనియర్‌ ఎన్టీఆర్‌ హీరోగా, సుకుమార్‌ దర్శకత్వంలో బివిఎస్‌ఎన్‌ ప్రసాద్‌ నిర్మిస్తున్న భారీ చిత్రం షూటింగ్‌ లండన్ లో శరవేగంగా జరుగుతోంది. ఇటీవలే ఈ చిత్రానికి సంబంధించి ఎన్టీఆర్‌, హీరోయిన్‌ రకుల్‌ప్రీత్‌సింగ్‌పై వచ్చే పాటలను చిత్రీకరిస్తున్నారు. కాగా ఈ చిత్రం తండ్రీకొడుకుల అనుబంధం నేపథ్యంలో సాగే రివేంజ్‌ డ్రామాగా తెరకెక్కుతోంది. ఈ చిత్రానికి ‘మా నాన్న ప్రేమతో’ అనే టైటిల్‌ను అనుకుంటున్నారు. అయితే ఈ కథలో ఓ అదిరిపోయే ట్విస్ట్‌ ఉందని సమాచారం. ఇందులో ఎన్టీఆర్‌ ఇంటర్‌పోల్‌ ఆఫీసర్‌గా కనపించనున్నాడు. ఇటీవల ఎన్టీఆర్‌ డిఫరెంట్‌ గెటప్‌లో ఇంటర్‌పోల్‌ ఆఫీసర్‌కు సంబంధించిన సన్నివేశాలను చిత్రీకరించారు. అయితే ఆ ఎపిసోడ్‌ ఎంతసేపు ఉంటుంది? కథలో ఇంటర్‌పోల్‌ ఆఫీసర్‌ పాత్రకు ఎంత ప్రాధాన్యం ఉంది? అనేది తెలియాల్సివుంది...!