గిన్నిస్‌బుక్‌లోకి ‘బాహుబలి’...?

రాజమౌళి దర్శకత్వంలో రూపొందుతున్న ‘బాహుబలి’ చిత్రం అద్భుతాల సాధన దిశగా అడుగులు వేస్తోంది. సినిమా విడుదలయ్యాక ఎన్ని రికార్డులు సృష్టించనుందో గానీ ముందే బ్రహ్మాండం బద్దలు కొడుతోంది. శాటిలైట్‌ రూపంలో , ఆడియో హక్కుల రూపంలో, ఏరియాల రైట్స్‌ విషయంలో ఇప్పటికే రికార్డుల మోత మోగిస్తున్న ఈ చిత్రం ఇప్పుడు గిన్నిస్‌బుక్‌ రికార్డ్స్‌లోకి ఎక్కబోతోంది. ‘బాహుబలి’ మలయాళ వెర్షన్‌ ఆడియో(శనివారం) కేరళలో జరిగింది. ఈ సందర్భంగా కొచ్చిలో ఓ భారీ పోస్టర్‌ని ఆవిష్కరించబోతున్నారు. ఇది ప్రపంచంలోనే అతి పెద్దపోస్టర్‌ అట. ఈ పోస్టర్‌ని చూడటానికి గిన్నిస్‌బుక్‌ ప్రతినిదులు వస్తున్నారని తెలుస్తోంది. వాళ్లు గనుక ఇదే అత్యంత పెద్ద పోస్టర్‌ అని భావిస్తే ‘బాహుబలి’గిన్నిస్‌బుక్‌ ఎక్కేస్తుంది.