బాలీవుడ్‌లో సినిమాలు వంద కోట్ల వసూలు సాధించడం ఈమధ్య చాలా సర్వసాధారణ విషయంగా మారింది. అయితే 2015 సంవత్సరానికి వచ్చే సరికి మాత్రం జూన్‌ వరకు కూడా ఏ ఒక్క సినిమా వంద కోట్ల క్లబ్‌లో చేరలేదు. ఐదు నెలల విరామం అనంతరం కంగనారౌనత్‌ నటించిన 'తను వెడ్స్‌ మనూ' చిత్రం వంద కోట్ల క్లబ్‌లో చేరి బాలీవుడ్‌ వర్గాలకు ఊరటనిచ్చింది. ఆ తర్వాత ఆ క్లబ్‌లో కొన్ని రోజుల వ్యవధిలోనే మరో సినిమా వచ్చి చేరడంతో బాలీవుడ్‌ వర్గాలు సంతోషం వ్యక్తం చేస్తున్నాయి.
ఎనీ బడి కెన్‌ డ్యాన్స్‌ అంటూ డ్యాన్స్‌ ప్రధాన ఇతివృత్తంగా బాలీవుడ్‌లో 'ఏబీసీడీ' సినిమా తెరకెక్కిన సంగతి తెలిసిందే. ఇటీవలే విడుదలైన 'ఏబీసీడీ-2'కు కూడా ప్రేక్షకుల అంచనాలను అందుకుంది. ఈ నెల 19న విడుదలైన ఈ సినిమా ఇప్పటివరకు ప్రపంచవ్యాప్తంగా వందకోట్ల గ్రాస్‌ను కలెక్ట్‌ చేసింది. ఇండియాలో దాదాపు 93 కోట్లు, ఓవర్సీస్‌లో ఈ సినిమా 11కోట్లకు పైగానే వసూలు చేసి వంద కోట్ల క్లబ్‌లో చేరింది. ప్రభుదేవా కూడా ఈ సినిమాలో ఓ ముఖ్యపాత్రలో కనిపించడం గమనార్హం.
Loading..