ఆకట్టుకుంటున్న పోస్టర్‌..! ఆకట్టుకుంటున్న పోస్టర్‌..!

‘స్వామిరారా.. కార్తికేయ, సూర్య వర్సెస్‌ సూర్య’ వంటి చిత్రాలతో తనకంటూ విభిన్నమైన శైలిని ఏర్పాటు చేసుకొని దూసుకుపోతున్న యంగ్‌ హీరో నిఖిల్‌ రచయిత కొనవెంకట్‌ నిర్మాణంలో ‘శంకరాభరణం’ అనే చిత్రంలో నటిస్తున్న సంగతి తెలిసిందే. ఈ చిత్రం ద్వారా ఉదయ్‌ నందనవనం దర్శకునిగా పరిచయం అవుతున్నాడు. ఈ చిత్రం షూటింగ్‌ ఇటీవలే మహారాష్ట్రలోని ఓ గ్రామంలో ప్రారంభమైంది. ఈ సందర్బంగా ఈ చిత్రం ఫస్ట్‌లుక్‌ని కోన తన సోషల్‌ మీడియా సైట్‌ ద్వారా విడుదల చేశారు. ‘శంకరాభరణం’ అనే లోగో, హీరోహీరోయిన్లు నిఖిల్‌, నందితలు పరిగెడుతుంటే వెనక కొంతమంది రౌడీలు వెంటపడటం... ఇలా పోస్టర్‌ మంచి హైప్‌ క్రియేట్‌ చేసేలా ఉంది. కాగా ఈ చిత్రంలో హీరోయిన్‌ అంజలి సైతం కీలకపాత్రలో నటిస్తోంది.