రాజమౌళిని టెన్షన్‌ పెడుతోన్న కరణ్‌...! రాజమౌళిని టెన్షన్‌ పెడుతోన్న కరణ్‌...!

‘బాహుబలి’ విషయంలో రాజమౌళి తీవ్ర ఒత్తిడిని ఎదుర్కొంటున్నట్లు తెలుస్తోంది. ఈ చిత్రాన్ని ఎలాగైనా జులై 10నే విడుదల చేయాలని హిందీ వెర్షన్‌ హక్కుదారు కరణ్‌జోహార్‌ రాజమౌళిపై ఒత్తిడి పెంచుతున్నాడట. ఆ డేట్‌కు విడుదల కాకపోతే తాను ఈ ప్రాజెక్ట్‌ నుండి వెనక్కి వెళ్లిపోతానని బ్లాక్‌మెయిల్‌ చేస్తున్నాడని సమాచారం. ఇప్పటికే రెండు సార్లు రిలీజ్‌ డేట్‌ను మార్చిన రాజమౌళి ఈ సారి మాత్రం ఆచితూచి విడుదల తేదీని ఖచ్చితంగా విడుదలయ్యే రోజును ప్రకటించాలని భావిస్తున్నాడు. కానీ కరణ్‌జోహార్‌ వ్యవహారం మాత్రం ఆయనకు పెద్ద తలనొప్పిగా మారిందని ‘బాహుబలి’ యూనిట్‌ సభ్యులే అంటున్నారు.