బాలయ్య 99కి ముహూర్తం కుదిరింది! బాలయ్య 99కి ముహూర్తం కుదిరింది!

రీసెంట్‌గా ‘లయన్‌’తో ప్రేక్షకుల ముందుకు వచ్చి అందరినీ నిరాశపరిచిన బాలయ్య ప్రస్తుతం తన 99వ చిత్రంపై దృష్టిపెట్టాడు. ఈ చిత్రానికి సంబధించిన ముహూర్తం కుదిరింది. దీంతో ఆ వేడుకకు రంగం సిద్దమవుతోంది. శ్రీవాస్‌ దర్శకత్వంలో ఈనెల 29న ఈ చిత్రాన్ని ప్రారంభించేందుకు సన్నాహాలు జరుగుతున్నాయి. ఈ వేడుకకు రామానాయుడు స్టూడియో వేదిక కానుంది. ఎరోస్‌ ఇంటర్నేషనల్‌తో పాటు వారాహిచలన చిత్రం సంయుక్తంగా నిర్మిస్తున్న ఈ చిత్రం స్క్రిప్ట్‌వర్క్‌ పూర్తయింది. దీనికోసం ఏకంగా ఐదుగురు రచయితలు కలిసి కసరత్తు చేశారు. కోనవెంకట్‌, గోపీమోహన్‌, బీవీఎస్‌ రవి, డైమండ్‌ రత్నం, శ్రీదర్‌ సీపానలు ఈ చిత్రం స్క్రిప్ట్‌పై వర్క్‌ చేశారు. తమన్‌ సంగీతం అందిస్తున్న ఈ చిత్రానికి ‘డిక్టేటర్‌’ అనే టైటిల్‌ను అనుకొంటున్నట్లు సమాచారం. కాగా ‘లయన్‌’ చిత్ర నిర్మాత రుద్రపాటి రమణారావు ఆ చిత్రంతో కోట్లాదిరూపాయలు నష్టపోయాడట. అందుకోసం ఆయనకు నిర్మాతగా మరో సినిమా చేస్తానని బాలయ్య హామీ ఇచ్చాడని తెలుస్తోంది. బాలయ్య మరో చిత్రం చేస్తానని మాట ఇచ్చినా ఆయనతో మరో చిత్రం చేసే పరిస్థితుల్లో నిర్మాత లేడని అంటున్నారు.