ఈ హీరో ఆశలన్నీ ఆ చిత్రంపైనే! ఈ హీరో ఆశలన్నీ ఆ చిత్రంపైనే!

కెరీర్‌ ప్రారంభం నుండి వరుసగా రొమాంటిక్‌ ఎంటర్‌టైనర్స్‌ సినిమాల్లో మాత్రమే కనిపించిన హీరో నాగశౌర్య తొలిసారిగా అవుట్‌ అండ్‌ అవుట్‌ మాస్‌ ఎంటర్‌టైనర్‌గా చేసిన చిత్రం ‘జాదూగాడు’. ఇటీవల విడుదలైన ఈ చిత్రం ఆడియోకు, ట్రైలర్స్‌కు మంచి స్పందన లభిస్తోంది. నాగశౌర్యని మాస్‌లుక్‌లో చూపిన విధానం అందరికీ ఆకట్టుకుంటోంది. ఈ చిత్రం రిలీజ్‌ డేట్‌ను కూడా ఖరారు చేసుకొన్నట్లు సమాచారం.
మే 29న ఈ చిత్రాన్ని విడుదల చేయడానికి యూనిట్‌ సిద్దం అవుతోంది. ఈ సినిమా హిట్టైతే ఇక పక్కాగా యాక్షన్‌ ఓరియంటెడ్‌ చిత్రాలతో దూసుకువెళ్లాలనే ఆలోచనలో హీరో నాగశౌర్య ఉన్నట్లు సమాచారం. ఈ చిత్రానికి ‘చింతకాయల రవి’ దర్శకుడు యోగేష్‌ దర్శకత్వం వహిస్తున్నాడు. హీరోయిన్‌గా బుల్లితెర మీద ‘హర హర మహాదేవ’లో పార్వతి పాత్ర పోషించి దేశవ్యాప్తంగా పేరుతెచ్చుకున్న సోనారిక హీరోయిన్‌గా నటిస్తోంది.