మరో చిన్నపాత్రను ఒప్పుకొన్న ఆదాశర్మ! మరో చిన్నపాత్రను ఒప్పుకొన్న ఆదాశర్మ!

‘హార్ట్‌ఎటాక్‌’తో తెలుగు ప్రేక్షకులకు పరిచయమైన బ్యూటీ ఆదాశర్మ. అయితే ఆ చిత్రం తర్వాత ఆమెకు అనుకొన్న విధంగా చాన్స్‌లు రాలేదు. ఇటీవల అల్లుఅర్జున్‌ హీరోగా త్రివిక్రమ్‌ శ్రీనివాస్‌ దర్శకత్వంలో రూపొంది విడుదలైన ‘సన్నాఫ్‌ సత్యమూర్తి’ చిత్రంలో ఆమె ఓ చిన్న పాత్రలో తళుక్కున మెరిసింది. కాగా ఆమె ఇలాగే మరో చిత్రంలో ఓ చిన్నపాత్రను చేయడానికి ఒప్పుకొందిట. చిన్న పాత్ర అయినప్పటికీ కథకు కీలకమైన పాత్ర కావడంతో తాను ఒప్పుకొన్నానని ఆమె చెబుతోంది. సాయిధరమ్‌తేజ్‌ హీరోగా హరీష్‌శంకర్‌ దర్శకత్వంలో దిల్‌రాజు నిర్మిస్తున్న ‘సుబ్రహ్మణ్యం ఫర్‌ సేల్‌’ చిత్రంలో ఆమె కనిపించనుంది. కానీ ఆ పాత్ర ఏమిటో మాత్రం తాను రివీల్‌ చేయనని, అలా చేస్తే హరీష్‌శంకర్‌ కోప్పడతాడని చెబుతోంది. మొత్తానికి చిన్న పాత్రలైనా కూడా తనకు గుర్తింపు తెచ్చేపాత్రలను చేయడానికి ఆమె అంగీకరిస్తుండటం ఆమెకు కలిసొస్తుందనే చెప్పాలి...!