సత్యమూర్తి కొడుకు అక్కడ స్ట్రాంగ్‌.. ఇక్కడ వీక్‌! సత్యమూర్తి కొడుకు అక్కడ స్ట్రాంగ్‌.. ఇక్కడ వీక్‌!

అల్లుఅర్జున్‌ హీరోగా త్రివిక్రమ్‌ శ్రీనివాస్‌ దర్శకత్వంలో రూపొందిన తాజా చిత్రం ‘సన్నాఫ్‌ సత్యమూర్తి’ చిత్రం ఓవర్‌సీస్‌లో మంచి కలెక్షన్లు రాబడుతోందని ట్రేడ్‌ వర్గాలు అంటున్నాయి. అలాగే ఇక్కడ కూడా ఈ చిత్రం మల్టీప్లెక్స్‌ ఆడియన్స్‌ను, ‘ఎ’ సెంటర్లలోనూ మంచి ఊపు చూపుతోందని, అయితే మాస్‌ ప్రేక్షకులు అధికంగా ఉండే బి,సి సెంటర్లలో ఈ చిత్రం పెద్దగా ప్రభావం చూపలేకపోతున్నట్లు సమాచారం. ఈ చిత్రం ఓవర్‌సీస్‌ ప్రీమియర్‌ షో వసూళ్ల విషయంలో పవన్‌కళ్యాణ్‌ నటించిన ‘అత్తారింటికి దారేది’ చిత్రం వసూళ్లను బ్రేక్‌ చేసిందని ట్రేడ్‌ వర్గాల్లో వినిపిస్తోంది. యుయస్‌ఎలో ఈ చిత్రం ఇప్పటికే మిలియన్‌ డాలర్‌ మార్క్‌ను దాటేసింది. యుఎస్‌ఏలో మిలియన్‌ మార్కు దాటిన బన్నీ రెండో చిత్రం కూడా ఇదే. బన్నీ నటించిన ‘జులాయి’ కూడా అక్కడ మిలియన్‌ మార్క్‌ను క్రాస్‌ చేసింది.