కండీషన్స్‌ అప్లై అంటోన్న నయన...! కండీషన్స్‌ అప్లై అంటోన్న నయన...!

నయనతార సెకండ్‌ ఇన్నింగ్స్‌ చాలా జోరుగా సాగుతోంది. ఆమె ప్రస్తుతం మలయాళంలో ‘భాస్కర్‌ ది రాస్కెల్‌’ చిత్రంలో కీలకపాత్ర పోషిస్తోంది. ఈ చిత్ర దర్శకుడు మరెవరో కాదు.. ‘బాడీగార్డ్‌, హిట్లర్‌’ వంటి సూపర్‌హిట్‌ చిత్రాల మలయాళ దర్శకుడు సిద్దిక్‌. అయితే ఆమె ఈ దర్శకుడితో చిత్రం ఒప్పుకొన్నప్పుడు ఓ కండీషన్‌ పెట్టిందట. అదేమిటంటే.. ఈ చిత్రం రేపు మలయాళంలో విడుదలై హిట్‌ అయితే వేరే ఏ భాషలోకి అయినా ఈ చిత్రాన్ని రీమేక్‌ చేయాల్సివస్తే తననే హీరోయిన్‌గా తీసుకోవాలనేది ఆ కండీషన్స్‌ సారాంశం. దానికి దర్శకుడు సిద్దిక్‌ సంతోషంగా ఒప్పుకోవడంతో ఈ ప్రాజెక్ట్‌ను శరవేగంగా పూర్తి చేస్తున్నాడు. కాగా ఈ చిత్రంలో జె.డి.చక్రవర్తి సైతం కీలకమైన పాత్రలో నటిస్తుండటం విశేషం.