మరోసారి సాఫ్ట్‌లుక్‌లో మెగాహీరో! మరోసారి సాఫ్ట్‌లుక్‌లో మెగాహీరో!

‘ముకుంద’ చిత్రంతో హీరోగా తెరంగేట్రం చేసిన మెగా బ్రదర్‌ నాగబాబు తనయుడు వరుణ్‌తేజ్‌ మొదటి చిత్రంతో మంచి మార్కులే సంపాదించుకున్నాడు. కాగా ప్రస్తుతం ఆయన తన రెండో చిత్రంలో క్రియేటివ్‌ డైరెక్టర్‌ క్రిష్‌ దర్శకత్వంలో ‘కంచె’ చిత్రంలో చేస్తున్నాడు. ఈ చిత్రానికి సంబంధించిన స్టిల్‌ ఒకటి బయటకు వచ్చింది. సాధారణంగా మెగాభిమానులు ఇష్టపడే మాస్‌లుక్‌ లేనప్పటికీ తనదైన ప్రత్యేక శైలిలో ఉన్న వరుణ్‌తేజ్‌ లుక్‌ అందరికీ ఆకట్టుకుంటోంది. ఈ చిత్రం షూటింగ్‌ ప్రస్తుతం శరవేగంగా జరుగుతోంది. ఫస్ట్‌ ఫ్రేమ్‌ ఎంటర్‌టైన్‌మెంట్‌ పతాకంపై రాజీవ్‌రెడ్డి ఈ చిత్రాన్ని నిర్మిస్తున్నాడు. ఈ చిత్రం ఓ పీరియాడికల్‌ డ్రామాగా తెరకెక్కనుందని, ఇందులో స్వాతంత్య్రానికి పూర్వం జరిగే ప్రేమకథ ప్రధానాంశంగా ఉంటుందని సమాచారం. కాగా ఈ చిత్రానికి ‘కంచె’ అనే టైటిల్‌ను ఖరారు చేసిన సంగతి తెలిసిందే. ఈ చిత్రంలో వరుణ్‌తేజ్‌కు జోడీగా ‘మిర్చిలాంటి కుర్రాడు’ ఫేమ్‌ ప్రజ్ఞా జైస్వాల్‌ నటిస్తోంది. ఈ చిత్రం కోసం రామానాయుడు స్టూడియోలో వేసిన భారీ సెట్‌లో షూటింగ్‌ జరుగుతోంది.