పవన్ కొడుకు పేరుతో మురుగదాస్ సినిమా..! పవన్ కొడుకు పేరుతో మురుగదాస్ సినిమా..!

పవన్ కళ్యాణ్ పేరు టాలీవుడ్ ఇండస్ట్రీలో మారుమ్రోగుతుంటే అతని కుమారుడు అకీరా నందన్ పేరు ప్రస్తుతం బాలీవుడ్ లో హాట్ టాపిక్ గా మారింది. 'గజినీ' , 'కత్తి' లాంటి బ్లాక్ బాస్టర్ సినిమాలని డైరెక్ట్ చేసిన దర్శకుడు మురుగుదాస్ రీసెంట్ గా సోనాక్షి సిన్హా హీరోయిన్ గా ఓ చిత్రాన్ని తెరకెక్కిస్తున్నారు. లేడీ ఓరియెంటెడ్ చిత్రమిది. అయితే ఈ చిత్రానికి 'అకీరా' అనే టైటిల్ ను కన్ఫర్మ్ చేసినట్లు సమాచారం. 'అకీరా' అంటే 'గ్రేస్ ఫుల్ స్త్రెంగ్థ్' అని అర్ధం. అసలు ‘అకీరా' సినిమాకు, పవన్ తనయుడు అకీరా నందన్‌కు ఎలాంటి సంబంధం లేదని, ఈ టైటిల్ పెట్టింది పవన్ కళ్యాన్ కొడుకుని దృష్టిలో ఉంచుకుని కాదని మురుగదాస్ సన్నిహితులు చెబుతున్నారు. అఖీరా కురసోవా అనే ప్రపంచ ప్రఖ్యాత జపనీస్ దర్శకుడిని దృష్టిలో పెట్టుకుని ఆయన ఈ సినిమాకు టైటిల్ పెట్టి ఉంటాడని అంటున్నారు. ఈ సినిమాలో సోనాక్షి తండ్రి కూడా నటించడం విశేషం. ఆయన పాత్ర చిన్నదే అయినా ఓ ముఖ్యమైన పాత్ర అని తెలుస్తోంది. తమిళంలో వచ్చిన 'మౌన గురు' అనే సినిమాకు రీమేక్ చిత్రమిది.