సౌత్‌ ఇండియన్‌ సూపర్‌స్టార్‌ రజనీకాంత్‌, దర్శకుడు కె.ఎస్‌.రవికుమార్‌, నిర్మాత రాక్‌లైన్‌ వెంకటేష్‌ల కాంబినేషన్‌లో వచ్చిన ‘లింగ’ చిత్రం భారీ డిజాస్టర్‌గా నిలిచిన సంగతి తెలిసిందే. ఈ చిత్రాన్ని భారీ రేట్లకు కొనుగోలు చేసిన డిస్ట్రిబ్యూటర్లకు దాదాపు 50శాతం కూడా రికవరీ కాలేదు. దీంతో తాము నష్టాల పాలయ్యామని, తాము పోగొట్టుకున్న డబ్బుకు పరిహారం ఇప్పించమని డిస్ట్రిబ్యూటర్లు ఎంతో కాలంగా ఆందోళన చేస్తున్నారు. ఎట్టకేలకు ఈ వివాదం ఓ కొలిక్కి వచ్చింది. మొదట్లో అసలు పరిహారం ఇచ్చే పనే లేదని మొండికేసిన నిర్మాత రాక్‌లైన్‌ వెంకటేష్‌ ఆ తర్వాత 3కోట్లు ఇస్తానన్నాడు. కానీ డిస్ట్రిబ్యూటర్లు అందుకు ససేమిరా అన్నారు. చివరకు నిర్మాత 10కోట్లు పరిహారంగా ఇవ్వడానికి సిద్దపడటంతో డిస్ట్రిబ్యూటర్లు కాస్త శాంతించినట్లు కనిపిస్తోంది.
Loading..