తమిళంలోకి పరిచయమవుతోన్న చైతూ..! తమిళంలోకి పరిచయమవుతోన్న చైతూ..!

మొదటి చిత్రంతో హిట్‌ కొట్టిన యువ దర్శకులకు రెండో చాన్స్‌ ఇవ్వడంలో నాగచైతన్య ముందున్నాడు. నిన్నటికి నిన్న ‘గుండెజారిగల్లంతయ్యిందే’ చిత్రంతో విజయం సాధించిన కొండా విజయ్‌కుమార్‌ దర్శకత్వంలో ‘ఒక లైలా కోసం’ చిత్రం చేశాడు. కానీ ఈ చిత్రం నిరాశపరిచింది. ప్రస్తుతం ‘స్వామిరారా’తో హిట్‌ కొట్టిన సుధీర్‌వర్మ దర్శకత్వంలో ‘దోచెయ్‌’ చిత్రంలో నటిస్తున్నాడు. ఈ చిత్రాన్ని భారీ నిర్మాత బి.వి.ఎస్‌.ఎన్‌.ప్రసాద్‌ నిర్మిస్తున్నాడు. త్వరలో ఈ చిత్రం విడుదలకు సిద్దమవుతోంది. కాగా ఆయన ‘కార్తికేయ’ దర్శకుడు చందు మొండేటి దర్శకత్వంలో ఓ సినిమా చేయడానికి రెడీ అయ్యాడు. ‘దోచెయ్‌’ విడుదలైన వెంటనే ఈ చిత్రం పట్టాలెక్కనుంది. కాగా ఈ చిత్రాన్ని ఓ థ్రిల్లర్‌ కథాంశంతో చందు మొండేటి తెరకెక్కించనున్నాడు. కాగా ఈ సినిమాకు మరో ప్రత్యేకత కూడా ఉంది. ఈ సినిమాను ఒకేసారి తెలుగు, తమిళ భాషల్లో తెరకెక్కించనున్నారు. ఈ చిత్రంతో నాగచైతన్య డైరెక్ట్‌ తమిళ చిత్రంలో నటిస్తూ.. అక్కడి ప్రేక్షకులను కూడా ఆకర్షించి తన మార్కెట్‌ పరిధిని పెంచుకోవడానికి ప్రయత్నంచేయనున్నాడు. మరి ఈ విషయంలో చైతూ ఎంతవరకు సక్సెస్‌ అవుతాడో వేచిచూడాల్సివుంది....!