కన్నడంలో ‘భమ్ బోలేనాథ్’! కన్నడంలో ‘భమ్ బోలేనాథ్’!

నవదీప్, నవీన్‌చంద్ర, ప్రదీప్ ప్రధాన పాత్రల్లో నటించిన ‘భమ్ బోలేనాథ్’. పూజ కథానాయిక. ఆర్.సి.సి.ఎంటర్‌టైన్‌మెంట్స్ పతాకంపై శిరువూరి రాజేష్‌వర్మ నిర్మించిన ఈ చిత్రం ద్వారా కార్తీక్ వర్మ దండు దర్శకుడిగా పరిచయమయ్యాడు. ఇటీవల విడుదలైన ఈ చిత్రం వైవిధ్యమైన చిత్రంగా ప్రేక్షకుల ఆదరణతో విజయవంతంగా ప్రదర్శింపబడుతోంది. కాగా ఈ చిత్రాన్ని కన్నడంలో రీమేక్ హక్కులను దండుపాళ్యం, శివమ్ చిత్రాల దర్శక నిర్మాత శ్రీనివాసరాజు దక్కించుకున్నారు. ప్రముఖ తారాగణంతో త్వరలోనే ఆయన కన్నడంలో ఈ చిత్రాన్ని రీమేక్ చేయనున్నారు. ఈ చిత్రానికి సంబంధించిన మరిన్ని వివరాలు త్వరలోనే తెలుస్తాయి.