తారక్‌ ఇచ్చిన మాట నిలబెట్టుకుంటాడా? లేదా.? తారక్‌ ఇచ్చిన మాట నిలబెట్టుకుంటాడా? లేదా.?

రచయిత వక్కంతం వంశీకి ఎప్పటినుండో డైరెక్టర్‌ కావాలని కోరిక ఉంది. అందుకు అనుగుణంగానే ఆయన టాలెంట్‌ను గుర్తించిన జూనియర్‌ ఎన్టీఆర్‌ తనకు దర్శకునిగా ఛాన్స్‌ ఇస్తానని ప్రామిస్‌ చేశాడు. ఈ విషయాన్ని అటు తారక్‌తోపాటు వంశీ కూడా మీడియాకు ఇచ్చిన ఇంటర్వ్యూలలో చెప్పారు. దాంతో ఎన్టీఆర్‌ను డైరెక్ట్‌ చేయడానికి ఆయన ఓ కథను సిద్దం చేసుకున్నాడు. అదే ‘టెంపర్‌’ అని తెలుస్తోంది. స్టోరీ ఎన్టీఆర్‌కు కూడా నచ్చింది. అయితే అసలే ఫ్లాప్‌ల్లో ఉన్న తాను ఇప్పుడు వంశీతో కలిసి పని చేయడం రిస్క్‌ అని జూనియర్‌ భావించాడట. దాంతో వంశీని ఒప్పించి ఆ స్టోరీని పూరీ చేతిలో పెట్డాడు. అలా చూస్తే వంశీ చేసిన త్యాగం చిన్నదేమీ కాదు. మరి ఆ త్యాగాన్ని తారక్‌ గుర్తిస్తాడా? వంశీకి మాట ఇచ్చినట్లు అతడిని డైరెక్టర్‌ను చేస్తాడా? అలాంటి అవకాశం ఎప్పుడు ఇస్తాడు? అనేది ఇప్పుడు ఫిల్మ్‌నగర్‌లో వినిపిస్తున్న మాట...!