బ్యాక్‌ టు యాక్షన్‌ అంటోన్న దయా....! బ్యాక్‌ టు యాక్షన్‌ అంటోన్న దయా....!

‘టెంపర్‌’ చిత్రం సాధించిన భారీ విజయంతో ఫుల్‌ ఖుషీగా ఉన్న దయ మరలా బాక్సాఫీస్‌ దండయాత్రకు బయలుదేరనున్నాడు. ఈసారి ఆయన సుకుమార్‌, బి.వి.ఎస్‌.ఎన్‌.ప్రసాద్‌లతో కలిసి యుద్దానికి సిద్దమవుతున్నాడు. ఇక ఈ చిత్రంలో ఎన్టీఆర్‌కు జోడీగా రకుల్‌ప్రీత్‌సింగ్‌ నటించనున్న సంగతి తెలిసిందే. దేవిశ్రీప్రసాద్‌ సంగీతం అందించనున్న ఈ చిత్రం ఫాదర్ సెంటిమెంట్‌ రివేంజ్‌ డ్రామాగా వైవిధ్యంగా తెరకెక్కనుంది. కాగా ఈ చిత్రంలో జగపతిబాబు కూడా కీలకపాత్ర పోషిస్తున్నాడు. మరి అది విలన్‌ పాత్రా? లేక ఎన్టీఆర్‌ తండ్రి పాత్రా అనేది మాత్రం సస్పెన్స్‌గా ఉంది. ఈ చిత్రాన్ని మార్చి 3వ తేదీన గ్రాండ్‌గా ప్రారంభించనున్నారు. అయితే ఈ చిత్రం దసరాకు వస్తుందని భావించిన నందమూరి అభిమానులకు మాత్రం ఈ వార్త నిరాశపరుస్తోంది. ఈ చిత్రాన్ని జనవరి 8వ తేదీ 2016లో అంటే వచ్చే సంక్రాంతికి రిలీజ్‌ డేట్‌ను ఫిక్స్‌ చేశారు. కిందటి ఏడాది సంక్రాంతికి వచ్చిన సుకుమార్‌`మహేష్‌ల ‘1’ (నేనొక్కడినే) చిత్రం ఫ్లాప్‌ అయిన సంగతి తెలిసిందే. ఈ సారి ఆ సెంటిమెంట్‌కు బ్రేక్‌ ఇవ్వాలని సుకుమార్‌ డిసైడ్‌ అయ్యాడట.