పోసాని కీలకపాత్ర..! పోసాని కీలకపాత్ర..!

‘టెంపర్‌’ చిత్రం ఘనవిజయం సాధిస్తున్న నేపథ్యంలో అందరూ ఎన్టీఆర్‌ అత్యద్బుతమైన నటన, పూరీ జగన్నాథ్‌ల డైరెక్షన్‌ను గురించే మాట్లాడుతున్నారు. కానీ ఈ సినిమాలో కీలకపాత్ర పోషించిన పోసాని కృష్ణమురళి గురించి మాత్రం ఎవ్వరూ పట్టించుకోకపోవడం అన్యాయం. తారక్‌తోపాటు ప్రధమార్థం నుండి చివరి వరకు పోసాని పోషించిన పాత్ర అద్బుతం.ఆయన పోషించిన కానిస్టేబుల్‌ పాత్రకు పోసాని జీవం పోశాడు. ఆ పాత్రకు నూటికి నూరు శాతం న్యాయం చేస్తూ ఆ పాత్రను పండించడానికి శక్తివంచన లేకుండా కృషి చేశాడు. ఇక తారక్‌, పోసానిల మధ్య వచ్చే సీన్స్‌ అన్నీ చిత్ర విజయంలో కీలకపాత్రను పోషించాయి. ఆ పాత్రను అద్బుతం అంటున్నారు ప్రేక్షకులు. కానీ హీరో, దర్శకుడు, నిర్మాత.. వీళ్లు మాత్రం పోసాని గురించి ఒక్క మాట కూడా మాట్లాడకపోవడం శోచనీయం.