'అందాల రాక్షసి' డైరెక్టర్ తో యువహీరో..! 'అందాల రాక్షసి' డైరెక్టర్ తో యువహీరో..!

గతంలో వెంకటేష్, బాలకృష్ణ, మహేష్ బాబులతో భారీ చిత్రాలను నిర్మించిన 14రీల్స్ ఎంటర్ టైన్ మెంట్ సంస్థ ప్రస్తుతం యువ హీరో నానితో ఓ చిత్రాన్ని రూపొందించనుంది. ప్రస్తుతం వరుస ఫ్లాప్స్ లో నాని నటించిన 'ఎవడే సుబ్రహ్మణ్యం' చిత్రం విడుదలకు సిద్దమవుతోంది. అశ్వనీదత్ కుమార్తె ప్రియాంకాదత్ ఈ చిత్రాన్ని నిర్మిస్తోంది. ఇప్పటికే ఈ చిత్రం ఫస్ట్ లుక్స్, ట్రైలర్స్ ఆసక్తిని రేపుతున్నాయి. 14రీల్స్ ఎంటర్ టైన్ మెంట్స్ సంస్థ నానితో నిర్మించే చిత్రానికి 'అందాల రాక్షసి' ఫేమ్ హను రాఘవపూడి దర్శకత్వం వహిస్తున్నాడు. ఈ చిత్రానికి గానూ 'మహాలక్ష్మితో పెళ్ళికి 150కి.మీ. దూరం' అనే టైటిల్ ను అనుకుంటున్నట్లు తెలుస్తోంది. అయితే టైటిల్ మరీ పెద్దదిగా ఉందని, కాబట్టి దీన్ని ఉపశీర్షికగా ఉపయోగించుకుందామని కొందరు యూనిట్ సభ్యులు తమ అభిప్రాయం వెల్లడిస్తున్నారు.