పాకిస్తాన్ లో 'బేబీ' నిషేధం..! పాకిస్తాన్ లో 'బేబీ' నిషేధం..!

అక్షయ్ కుమార్ హీరోగా నీరజ్ పాండే దర్శకత్వంలో రూపొందిన 'బేబీ' చిత్రం ఓ యాక్షన్ అండ్ స్పై థ్రిల్లర్ మూవీ. టెర్రరిస్ట్ లను పట్టుకునే ఒక ఇండియన్ గూఢచారి కి సంబంధించిన కధ ఇది. దీంతో ఈ సినిమాపై పాకిస్తాన్ నిషేధం విధించింది. పాకిస్తాన్ లోని ఇస్లామాబాద్, కరాచీలోని సెన్సార్ బోర్డ్ సభ్యులు ఈ చిత్రాన్ని చూసిన తర్వాత ఈ నిర్ణయం తీసుకున్నారు. కేవలం సినిమాపైనే కాదు.. సిడిలు, డివిడిలపై కూడా నిషేధం విధించారు. అయితే ఈ చిత్రం పాకిస్తాన్ కు వ్యతిరేకం కాదని దర్శకుడు నీరజ్ పాండే అంటున్నాడు. గతంలో సల్మాన్ ఖాన్ నటించిన స్పై థ్రిల్లర్ 'ఏక్ ధా టైగర్' చిత్రాన్ని కూడా పాక్ నిషేధించిన సంగతి తెలిసిందే.