సిద్ధమవుతోన్న 'బాహుబలి'..! సిద్ధమవుతోన్న 'బాహుబలి'..!

తెలుగు చలనచిత్ర పరిశ్రమ చరిత్రలో అత్యంత ప్రతిష్టాత్మకంగా తెరకెక్కుతోన్న చిత్రం 'బాహుబలి'. రాజమౌళి దర్శకత్వం లో ప్రభాస్ ద్విపాత్రాభినయంతో అనుష్క, రానా, రమ్యకృష్ణ, తమన్నా వంటి భారీ తారాగణంతో తెరకెక్కుతోన్న ఈ చిత్రం ఇప్పటివరకు ఫస్ట్ లుక్స్, మేకింగ్ వీడియోల ద్వారా అందరినీ ఆకట్టుకుంది. ఈ చిత్రం మొదటి బాగాన్ని ఏప్రిల్ లో వేసవి కానుకగా విడుదల చేసేందుకు సన్నాహాలు జరుగుతున్నాయి. అయితే ఇంకా ఆలస్యం చేయడం మంచిది కాదనే నిర్ణయానికి వచ్చిన దర్శకుడు రాజమౌళి ఈ చిత్రం టీజర్ ను ఫిబ్రవరి మొదటివారంలో విడుదల చేసేందుకు సనాహాలు చేస్తున్నాడట. ఇందుకు సంబంధించిన పనులు కూడా ప్రారంభమయ్యాయని సమాచారం. ఈ టీజర్ నిడివి 100 సెకండ్లు ఉంటుందని తెలుస్తోంది. మరి ఇది తెలుగు సినీ ప్రేక్షకులను ఏ విధంగా ఆకట్టుకుంటుంది? ఎలాంటి సంచలనాలను నమోదు చేస్తుంది? అనేది వేచి చూడాల్సిన విషయం.