'గోపాల గోపాల, ఐ' తరువాత వచ్చే మూవీ ఇదే..! 'గోపాల గోపాల, ఐ' తరువాత వచ్చే మూవీ ఇదే..!

నందమూరి కళ్యాణ్ రామ్ హీరోగా పవర్ ఫుల్ పోలీస్ ఆఫీసర్ పాత్రలో నటిస్తున్న చిత్రం 'పటాస్'. వాస్తవానికి డిసెంబర్ లోనే విడుదల కావాల్సిన ఈ చిత్రం పలు కారణాల వల్ల వాయిదా పడింది. కాగా ఈ చిత్రం ద్వారా రచయిత అనిల్ రావిపూడి దర్శకుడిగా పరిచయం అవుతున్నాడు. ఈ చిత్రం టీజర్లకు, ఆడియోకు ఇప్పటికే మంచి రెస్పాన్స్ వస్తోంది. కాగా ఈ చిత్రాన్ని కళ్యాణ్ రామ్ తన సొంత బేనర్ అయిన నందమూరి తారకరామారావు ఆర్ట్స్ పతాకంపై నిర్మిస్తున్నారు. సాయికార్తీక్ సంగీతాన్ని అందించగా పంజాబీ భామ శ్రుతిశోది హీరోయిన్ గా నటిస్తోంది. రొమాంటిక్, యాక్షన్, మాస్ ఎంటర్ టైనర్ గా రూపొందిన ఈ 'పటాస్' చిత్రాన్ని జనవరి 23న విడుదల చేయడానికి సన్నాహాలు చేస్తున్నారు. సంక్రాంతి సందడితోపాటు పెద్ద చిత్రాలైన 'గోపాల గోపాల, ఐ' చిత్రాల హడావుడి ముగిసిన తరువాత ఈ చిత్రం ప్రేక్షకుల ముందుకు రానుంది.తన కెరీర్ లో 'అతనొక్కడే' తప్ప మరో హిట్ ఎరుగని కళ్యాణ్ రామ్ ఈ చిత్రంపై బోలెడు ఆశలు పెట్టుకొని ఉన్నాడు. మరి ఈ చిత్రం అతనికి ఎలాంటి ఫలితాన్ని అందిస్తుందో వేచి చూడాల్సివుంది...!