నందమూరి తారక రామారావు శత జయంతి సందర్భగా సీనియర్ జర్నలిస్టు వ్రాసిన మహానటుడు, ప్రజానాయకుడు - ఎన్.టి.ఆర్ అన్న పుస్తకానికి పొట్టి శ్రీరాములు తెలుగు విశ్వ విద్యాలయం కీర్తి పురస్కారం ప్రకటించింది. గురువారం నాడు ఉపాధ్యక్షులు టి. కిషన్ రావు భగీరధను కలిశారు.
జీవిత చరిత్ర విభాగంలో మహానటుడు, ప్రజానాయకుడు - ఎన్.టి ఆర్ పుస్తకాన్ని ఎంపిక చేసినట్టు రచయిత భగీరథకు కిషన్ రావు స్వయంగా తెలిపారు.
ఈ అవార్డు ప్రదానోత్సవం ఈ నెల 29న తెలుగు విశ్వ విద్యాలయంలో జరుగుతుంది
ఇప్పటికే మహానటుడు, ప్రజానాయకుడు - ఎన్.టి.ఆర్ పుస్తకానికి కమలాకర కళాభారతి మరియు ఇంటర్నేషనల్ ఎక్స్ లెన్స్ ఎన్.టి.ఆర్ అవార్డులు లభించాయి.
ఎన్.టి.రామారావు నెలకొల్పిన తెలుగు విశ్వవిద్యాలయం నుంచి.. ఎన్.టి.ఆర్ శత జయంతి ఉత్సవాల సందర్భంలో ఎన్.టి.రామారావు జీవితం మీద వ్రాసిన ఈ పుస్తకానికి ఎన్.టి.ఆర్. కీర్తి పురస్కారం లభిస్తుందని ఊహించలేదంటూ భగీరథ ఆనందం వ్యక్తం చేసారు.
బ్రహ్మీని సత్కరించిన చిరు-చరణ్ 
Loading..