విష్ణు మంచు, శ్రీ‌ను వైట్ల బ్లాక్‌బ‌స్ట‌ర్ ఫిల్మ్ ఢీ సీక్వెల్ డి&డి టైటిల్ పోస్టర్ విడుద‌ల
క్రేజీ కాంబినేష‌న్ విష్ణు మంచు, శ్రీ‌ను వైట్ల ప‌ద‌మూడేళ్ల సుదీర్ఘ విరామంతో మ‌రోసారి వ‌స్తోంది. వారి బ్లాక్‌బ‌స్ట‌ర్ మూవీ `ఢీ` కి సీక్వెల్‌గా డి & డి టైటిల్‌తో సినిమా చేయ‌డానికి వారు రెడీ అవుతున్నారు. డ‌బుల్ డోస్ అనేది ట్యాగ్లైన్. విష్ణు బ‌ర్త్‌డే సంద‌ర్భంగా సోమ‌వారం ఈ చిత్రాన్ని అధికారికంగా ప్ర‌క‌టించడంతో పాటు టైటిల్ పోస్టర్‌ను రిలీజ్ చేశారు.
టైటిల్ డిజైన్ చాలా ఇంట‌రెస్టింగ్‌గా అనిపిస్తోంది. సంకెళ్ల మ‌ధ్య రెండు డి అక్ష‌రాల‌ను డిజైన్ చేశారు. ఢీలో ఎంత కామెడీ, యాక్ష‌న్ ఉన్నాయో అంత‌కు రెట్టింపు కామెడీ, యాక్ష‌న్ ఈ సినిమాలో ఉంటాయ‌నే సంకేతాన్నిస్తూ డ‌బుల్ డోస్ అనే ట్యాగ్లైన్ పెట్టారు.
24 ఫ్రేమ్స్ ఫ్యాక్ట‌రీ బ్యాన‌ర్‌పై విష్ణు మంచు స్వ‌యంగా నిర్మిస్తోన్న ఈ చిత్రానికి అవ‌ర‌మ్ భ‌క్త మంచు స‌మ‌ర్ప‌కులుగా వ్య‌వ‌హ‌రిస్తున్నారు. ఢీతో స‌హా శ్రీ‌ను వైట్ల డైరెక్ట్ చేసిన ప‌లు సినిమాల‌కు ప‌నిచేసిన ర‌చ‌యిత గోపీమోహ‌న్ ఈ చిత్రానికి మ‌రో పాపుల‌ర్ రైట‌ర్ కిషోర్ గోపుతో క‌లిసి స్క్రిప్ట్ రైట‌ర్‌గా ప‌నిచేస్తున్నారు.
ప్ర‌స్తుతం ఫామ్‌లో ఉన్న యంగ్ సెన్సేష‌న్ మ‌హ‌తి స్వ‌ర‌సాగ‌ర్ సంగీతం స‌మ‌కూరుస్తుండ‌గా, మోహ‌న‌కృష్ణ సినిమాటోగ్రాఫ‌ర్‌గా ప‌నిచేస్తున్నారు.
ఇండియాలో నంబ‌ర్ వ‌న్ ఫైట్‌మాస్ట‌ర్‌గా పేరుపొందిన పీట‌ర్ హెయిన్ డి & డిలోని హై వోల్టేజ్ యాక్ష‌న్ సీన్స్‌ను రూపొందించ‌నున్నారు.
ఎం.ఆర్‌. వ‌ర్మ ఎడిట‌ర్‌గా, చిన్నా ఆర్ట్ డైరెక్ట‌ర్‌గా బాధ్య‌త‌లు నిర్వ‌ర్తిస్తున్నారు.
విష్ణు జోడీగా ఎవ‌రు న‌టించేదీ, ఇత‌ర తారాగ‌ణం వివ‌రాల‌ను త్వ‌ర‌లో వెల్ల‌డించ‌నున్నారు.
సెట్ ని వదిలి అర్ధాంతరంగా వెళ్లిపోయిన శృతి హాసన్?
Loading..