సాయి ధరమ్ తేజ్, లారిస్సా బొనేసి, మన్నారా చోప్రా ప్రధాన పాత్రల్లో శ్రీ వెంకటేశ్వరా మూవీ మేకర్స్ బ్యానర్ పై సునీల్ రెడ్డి దర్శకత్వంలో సి.రోహిన్ కుమార్ రెడ్డి నిర్మిస్తున్న చిత్రం 'తిక్క'. ఈ సినిమాలోని ప్రత్యేకగీతాన్ని సోమవారం హైద్రాబాద్ లోని అన్నపూర్ణ స్టూడియోస్ లో చిత్రీకరిస్తున్నారు. ఈ సందర్భంగా ఏర్పాటు చేసిన విలేకర్ల సమావేశంలో..
దర్శకుడు సునీల్ రెడ్డి మాట్లాడుతూ.. ''ప్రస్తుతం ఈ సినిమాలోని ఐటెం సాంగ్ ను చిత్రీకరిస్తున్నాం. రెండు పాటల మినహా షూటింగ్ మొత్తం పూర్తయింది. ఆ రెండు పాటల్లో ఒక పాటను హైద్రాబాద్ లో మరొక పాటను లడక్ లో చిత్రీకరిస్తాం. ఆగస్టులో ఈ చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నాం'' అని చెప్పారు.
సాయి ధరమ్ తేజ్ మాట్లాడుతూ.. ''మిగిలిన రెండు పాటల షూటింగ్ పూర్తి చేసి ఆగస్టులో సినిమాను రిలీజ్ చేయడానికి ప్లాన్ చేస్తున్నారు. ప్రొడ్యూసర్ ఎక్కడా కాంప్రమైజ్ కాకుండా ఈ సినిమాను నిర్మిస్తున్నారు. పాటలు, సినిమా బాగా వచ్చిందనే అనుకుంటున్నాం'' అని చెప్పారు.
నిర్మాత రోహిన్ కుమార్ రెడ్డి మాట్లాడుతూ.. ''సినిమాలో తేజు డాన్సులు అదిరిపోతాయి. ఆడియన్స్ ను ఉత్సాహ పరిచే విధంగా ఈ సినిమా ఉంటుంది. ఉష ఉతప్, కె.కె పాడిన పాటను ఈరోజు చిత్రీకరిస్తున్నాం'' అని చెప్పారు.
ఇంకా ఈ కార్యక్రమంలో తాగుబోతు రమేష్, ప్రేమ్ రక్షిత్, గుహన్ తదితరులు పాల్గొన్నారు.
ఈ చిత్రానికి ఫోటోగ్రఫీ: కె.వి.గుహన్, మ్యూజిక్ డైరెక్టర్: ఎస్.ఎస్.తమన్, ఎడిటర్: కార్తిక శ్రీనివాస్, కథ: షేక్ దావూద్, డైలాగ్స్: లక్ష్మి భూపాల్, ప్రొడ్యూసర్: సి.రోహిన్ కుమార్ రెడ్డి, దర్శకత్వం: సునీల్ రెడ్డి.
Loading..