సుమన్, శివకృష్ణ, ప్రీతీనిగమ్, మధుబాల ప్రధాన పాత్రల్లో ప్రేమా మూవీస్ బ్యానర్ పై, తుమ్మల రమేష్ రెడ్డి సమర్పణలో కొత్తపల్లి సతీష్ బాబు నిర్మిస్తోన్న తెలంగాణా ఉద్యమ చిత్రం 'త్యాగాల వీణ'. ఈ సినిమా ట్రైలర్ లాంచ్ సోమవారం హైదరాబాద్ లోని ప్రసాద్ ల్యాబ్స్ లో విడుదల చేశారు. ఈ సందర్భంగా..
స్పీకర్ మధుసూదనాచారి మాట్లాడుతూ.. ''తెలంగాణా ఉద్యమం స్ఫూర్తి వంతమైనది. ఎందరో వీరులు తమ ప్రాణాలను సైతం అర్పించారు. ముఖ్యమంత్రి కెసిఆర్ కూడా తన ప్రాణాలను అర్పించడానికి సిద్ధమయ్యారు. ఆ పోరాట ఉద్యమాల నేపధ్యంలో 'త్యాగాల వీణ' అనే చిత్రాన్ని రూపొందించడం అభినందనీయం. ఇటువంటి చిత్రాలు మరిన్ని రావాలని కోరుకుంటున్నాను'' అని చెప్పారు.
ఈటెల రాజేందర్ మాట్లాడుతూ.. ''తెలంగాణా సమస్తం త్యాగాలతో కూడుకున్నది. ఎందరో త్యాగాల ఫలితమే ఈ తెలంగాణా. ఆ నేపధ్యంలో సినిమా చేయడమనేది మంచి విషయం. ఈ సినిమాను అందరు ఆదరించాలని ఆశిస్తున్నాను'' అని చెప్పారు.
శంకర్ రెడ్డి మాట్లాడుతూ.. ''ఇప్పటికే ఈ సినిమా 90% పూర్తయింది. ఈ సినిమాకు ప్రభుత్వం తరఫున అందాల్సిన సహాయం అందుతుంది. ఈ చిత్రానికి ఎటువంటి రాయితీ లేకుండా చేస్తాం'' అని చెప్పారు.
దర్శకుడు మిరియాల రవికుమార్ మాట్లాడుతూ.. ''ఏ దేశంలోనూ ఒక రాష్ట్రం కోసం ఇన్ని ఆత్మ బలిదానాలు జరగలేదు. ఈ తెలంగాణా చరిత్రను భవిష్యత్తు తరాలకు తెలియజెప్పాలనే ఉద్దేశ్యంతో ఈ చిత్రాన్ని రూపొందించాం. ఈ చిత్రాన్ని రాష్ట్ర ప్రభుత్వానికి అంకితం ఇవ్వాలని భావిస్తున్నాం'' అని చెప్పారు.
ఈ చిత్రానికి కో డైరెక్టర్: మువ్వా, సంగీతం: రమేష్ ముక్కెర, కెమెరా: డి. యాదగిరి, ఎడిటర్: గడ్డం.సంతోష్, నిర్మాత: కొత్తపల్లి సతీష్ బాబు, స్క్రీన్ ప్లే-మాటలు-దర్శకత్వం: మిరియాల రవికుమార్.
Loading..