విశాల్, అంజలి, వరలక్ష్మి శరత్ కుమార్ ప్రధాన పాత్రల్లో జెమిని ఫిలిం సర్క్యూట్స్ సమర్పణలో శ్రీ ఓబులేశ్వర ప్రొడక్షన్స్ బ్యానర్ పై సుందర్.సి దర్శకత్వంలో తెరకెక్కుతోన్న చిత్రం 'మదగజరాజా'. తమటం కుమార్ రెడ్డి నిర్మాత. ఈ సినిమా ఆడియో ఆవిష్కరణ కార్యక్రమం మంగళవారం హైదరాబాద్ లో జరిగింది. విశాల్ బిగ్ సీడీని, ఆడియో సీడీలను ఆవిష్కరించి తొలి కాపీను వరలక్ష్మికు అందించారు. ఈ సందర్భంగా ...
విశాల్ మాట్లాడుతూ.. ''మొదటిసారి సుందర్ గారి దర్శకత్వంలో వర్క్ చేశాను. ఇప్పటికే ఈ సినిమా విడుదల కావాల్సింది కానీ కొన్ని కారణాలతో లేట్ అయింది. ఈ సినిమాలో మనోబాల కామెడి హైలైట్ గా నిలుస్తుంది. నేను, విజయ్ ఆంటోని కలిసి చదువుకునే రోజుల్లో.. నేను డైరెక్టర్, విజయ్ మ్యూజిక్ డైరెక్టర్ అవ్వాలనుకున్నాం. కానీ నేను హీరో అయ్యాను. విజయ్ మాత్రం మ్యూజిక్ డైరెక్టర్, హీరో అయ్యాడు. తెలుగు ప్రేక్షకులకు నచ్చే విధంగా సినిమా ఉంటుంది'' అని అన్నారు.
డైరెక్టర్ సుందర్.సి మాట్లాడుతూ.. ''విశాల్ మంచి ఎనర్జిటిక్ హీరో. నిజానికి మా కాంబినేషన్ లో సినిమా ఎప్పుడో రావాల్సింది. ఇదొక కమర్షియల్ ఎంటర్టైనర్. అంజలి, వరలక్ష్మిలు చక్కగా నటించారు. అందరు ఆదరించాలని కోరుకుంటున్నాను'' అని చెప్పారు.
సంగీత దర్శకుడు విజయ్ ఆంటోని మాట్లాడుతూ.. ''ఈ సినిమాకు మంచి మ్యూజిక్ కుదిరింది. విశాల్ ఈ సినిమాలో నటించడంతో పటు ఒక పాట కూడా పాడాడు'' అని చెప్పారు.
తమటం కుమార్ రెడ్డి మాట్లాడుతూ.. ''మా బ్యానర్ లో వచ్చిన 'డా.సలీం', 'జిల్లా' చిత్రాలకు మంచి పేరు వచ్చింది. ఆలానే ఈ సినిమా కూడా పెద్ద సక్సెస్ సాధిస్తుందని భావిస్తున్నాను'' అన్నారు.
వరలక్ష్మి మాట్లాడుతూ.. ''ఇదొక మంచి కమర్షియల్ ఎంటర్ టైనర్. రిలీజ్ కోసం ఎంతగానే ఎదురుచూస్తున్నాను'' అని చెప్పారు.
సదా(స్పెషల్ సాంగ్),సోనూసూద్, సుబ్బరాజు, సంతానం శరత్ సక్సేనా తదితరులు నటించిన ఈ చిత్రానికి కెమెరా: రిచర్డ్, ఎడిటింగ్: ప్రవీణ్ కె.ఎల్, మ్యూజిక్: విజయ్ ఆంటోని, డైలాగ్స్: శశాంక్ వెన్నెలకంటి, కో ప్రొడ్యూసర్: రొక్కం సోమశేఖర్ రెడ్డి, నిర్మాత: తమటం కుమార్ రెడ్డి, డైరెక్టర్: సుందర్.సి.
Loading..