'కృష్ణగాడి వీరప్రేమ గాధ' రిలీజ్ డేట్ ఖరారు!

నాని, మెహ్రెన్ కౌర్ జంటగా హను రాఘవపుడి దర్శకత్వంలో 14 రీల్స్ ఎంటర్టైన్మెంట్ పతాకంపై రామ్ ఆచంట, గోపీచంద్ ఆచంట, అనిల్ సుంకర సంయుక్తంగా నిర్మిస్తోన్న చిత్రం 'కృష్ణగాడి వీరప్రేమ గాథ'. ఈ చిత్రం అన్ని కార్యక్రమాలు పూర్తి చేసుకొని ఫిబ్రవరి 12న విడుదలకు సిద్ధంగా ఉంది. ఈ సందర్భంగా చిత్ర బృందం హైదరాబాద్ లోని విలేకర్ల సమావేశాన్ని ఏర్పాటు చేశారు. ఈ సమావేశంలో..

గోపీచంద్ ఆచంట మాట్లాడుతూ.. '' ప్రస్తుతం సినిమా పోస్ట్ ప్రొడక్షన్ కార్యక్రమాలు జరుపుకుంటోంది. ఫిబ్రవరి 12న సినిమాను విడుద‌ల చేయడానికి చేస్తున్నాం. కొత్త టెక్నీషియన్స్ అయినా ఈ సినిమాకు అందరు హార్డ్ వ‌ర్క్ చేశారు'' అని అన్నారు.

అనిల్ సుంక‌ర మాట్లాడుతూ.. ''అందరు కొత్త‌వాళ్ళ‌తో చేసిన చిత్ర‌మిది. ప్రేక్షకులకు విజువ‌ల్‌, ఎంట‌ర్ టైన్మెంట్ ఫీస్ట్ అవుతుంది'' అని అన్నారు.

ద‌ర్శ‌కుడు హ‌ను రాఘ‌వ‌పూడి మాట్లాడుతూ.. ''సంవత్సరంన్నరగా ఈ సినిమా గురించి వర్క్ చేస్తున్నాం. ప్రతి ఒక్కరు ఎంతో స‌పోర్ట్ చేస్తూ వ‌చ్చారు. ఇది ప్రేమ కాదు గాధ.. ఇద్దరు హీరో, హీరోయిన్  మ‌ధ్య జ‌రిగే కొన్ని మూమెంట్స్, ఇన్సిడెంట్స్ తో జరిగే కథే ఈ సినిమా. నాని త‌న న‌ట‌న‌తో సినిమాను నెక్స్ట్ లెవెల్ కు తీసుకువెళ్ళాడు. విశాల్ మూడు సంవత్సరాలుగా నాకు తెలుసు. ఈ సినిమాకు మంచి మ్యూజిక్ ఇచ్చాడు. యువ‌రాజ్ ప్ర‌తి ఫ్రేమ్ లో చాలా డిఫ‌రెంట్‌గా చూపించారు. ప్రతి టెక్నిషియ‌న్ తన సినిమాగా భావించి ఈ సినిమా చేశారు. నిర్మాతలు నాకు ఎంతో ఫ్రీడం ఇచ్చారు. ఫుల్ లెంగ్థ్ ఎంటర్టైనర్ గా ఈ చిత్రాన్ని రూపొందించాం. ఫిబ్రవరి 12న సినిమా విడుద‌ల‌వుతుంది. అందరికి నచ్చే సినిమా అవుతుంది'' అని అన్నారు.

ఇంకా ఈ కార్య‌క్ర‌మంలో విశాల్ చంద్ర‌శేఖ‌ర్‌, యువ‌రాజ్‌, కృష్ణ‌కాంత్‌ త‌దిత‌రులు పాల్గొన్నారు.

ఈ చిత్రానికి సంగీతం: విశాల్ చంద్రశేఖర్, ఎడిటింగ్: గౌతం రాజు, నిర్మాతలు: రామ్ ఆచంట, గోపీచంద్ ఆచంట, అనిల్ సుంకర, కథ-స్క్రీన్ ప్లే- దర్శకత్వం: హను రాఘవపుడి.