తమిళంలో రూపొంది ఘన విజయం సాధించిన బేబీ చిత్రాన్ని అదే పేరుతో తెలుగు ప్రేక్షకులకు అందిస్తున్నారు. అందరూ కొత్త నటీనటులతో నూతన నిర్మాణ సంస్థలు విశ్వాస్ మీడియా మరియు మెంటార్ మూవీస్ ఈ చిత్రాన్ని సంయుక్తంగా తెలుగు ప్రేక్షకులకు అందించనున్నారు. ఈ డిఫరెంట్ హారర్ థ్రిల్లర్ తెలుగు రికార్డింగ్ మరియు డబ్బింగ్ కార్యక్రమాలు విజయదశమి నాడు (అక్టోబర్ 22న) ప్రారంభమయ్యాయి. ప్రఖ్యాత దర్శకులు భారతీ రాజా తనయుడు మనోజ్ భారతీరాజా ఈ చిత్రంలో హీరోగా నటించడం విశేషం. అంజలిరావ్, శైరా గర్గ్ హీరోయిన్లుగా నటించిన ఈ చిత్రంలో బేబి సతన్య, బేబి శ్రీవర్షిణి కీలకపాత్రలు పోషించారు. ఈ సందర్భంగా..
చిత్ర నిర్మాతలు విశ్వనాధ్ డికె, సుధాకర్ చౌదరి మాట్లాడుతూ... తమిళంలో రూపొంది ఘన విజయం సాధించిన బేబీ చిత్రాన్ని అదే పేరుతో తెలుగులో అనువదిస్తున్నాం. డిఫరెంట్ హారర్ థ్రిల్లర్ గా రూపొందిన ఈ చిత్రం తెలుగు ప్రేక్షకులను కుడా అలరిస్తుందన్న నమ్మకంతోనే ఈ చిత్రాన్ని తెలుగులోకి అనువదిస్తున్నాం. ప్రఖ్యాత దర్శకులు భారతీ రాజా తనయుడు మనోజ్ భారతెరాజా ఈ చిత్రంలో కథానాయకుడిగా నటించడం విశేషం. దసరా సందర్భంగా అక్టోబర్ 22న ఈ చిత్రం డబ్బింగ్ మరియు రికార్డింగ్ కార్యక్రమాలు మొదలుపెట్టాం. డిసెంబర్ లో చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నాం.. అన్నారు.
మనోజ్ భారతీరాజా, అంజలీరావ్, శైరా గర్గ్, బేబీ సతన్య, బేబీ శ్రీవర్షిణి తదితరులు ముఖ్యపాత్రాలి పోషిస్తున్న ఈ చిత్రానికి సంగీతం: సతీష్, ఎడిటింగ్: భగత్ సింగ్, చాయాగ్రహణం: జోన్స్ ఆనంద్, సహా నిర్మాత: మురళి కోటపాటి, నిర్వాహక నిర్మాతలు: సత్య-శిరీష్, నిర్మాతలు: విశ్వనాధ్ డికె - పుట్టా సుధాకర్ చౌదరి, దర్శకత్వం: డి.సురేష్!
Loading..