ఆదిత్య, సోనాలి, శిరీష ప్రధాన పాత్రల్లో ఆక్సాల్ట్ సమర్పణలో ఆదిత్య క్రియేషన్స్ పతాకంపై నిర్మిస్తున్న సినిమా ప్రేమికులపై పీహెచ్ డీ. కోటా మునీష్ దర్శకుడు. నిర్మాత లక్ష్మీ శ్రీవాస్తవ. ఈ చిత్ర ఆడియో ఆవిష్కరణ కార్యక్రమం శనివారం హైదరాబాద్ లో జరిగింది. ఈ కార్యక్రమానికి ముఖ్య అతిథిగా విచ్చేసిన బెక్కం వేణుగోపాల్ సీడీలను విడుదల చేయగా సాయి వెంకట్ మొదటి కాపీను అందుకున్నారు. ఈ సందర్భంగా..
బెక్కం వేణుగోపాల్ మాట్లాడుతూ.. ఈ సినిమా టైటిల్ చాలా డిఫరెంట్ గా ఉంది. యూత్ ఫుల్ సినిమాలకు ఎప్పుడూ మంచి క్రేజ్ ఉంటుంది. ఆ జోనర్ లో వస్తున్న సినిమా పెద్ద హిట్ కావాలి.. అని అన్నారు.
సంగీత దర్శకుడు రమేష్ ముక్కెర మాట్లాడుతూ.. ఈ సినిమాలో నాలుగు పాటలున్నాయి. నాకు ఈ అవకాశం ఇచ్చిన దర్శక నిర్మాతలకు థాంక్స్. ఈ సినిమా ఖచ్చితంగా పెద్ద హిట్ అవుతుంది.. అని చెప్పారు.
నిర్మాత లక్ష్మీ శ్రీవాస్తవ మాట్లాడుతూ.. ఈ సినిమాలో మా హీరో ప్రేమపై పరిశోధన చేస్తాడు. ఈ పాయింట్ సినిమాలో కొత్తగా అనిపిస్తుంది. షూటింగ్ పూర్తయింది.. అని చెప్పారు.
దర్శకుడు కోటా మునీష్ మాట్లాడుతూ.. దర్శకుడిగా ఇది నాకు మూడో సినిమా. మంచి లవ్ స్టోరీ ఇది. ఈ సినిమాలో హీరోకి ప్రేమ మీద నమ్మకం ఉండదు. కానీ ప్రేమపై అతను చేసే రీసెర్చ్ పూర్తయ్యే సరికి అతను ప్రేమలో పడతాడు. ఆ విషయాలు ఆసక్తికరంగా సాగుతాయి. మంచి పాటలు కుదిరాయి.. అని అన్నారు.
హరి కృష్ణ, ఫిష్ వెంకట్, తాగుబోతు ఫణి, చిట్టి బాబు, గబ్బర్సింగ్ బ్యాచ్, సాయి బాబా, ఆంజనేయులు, ప్రవీణ్, బంటి, జీవన్ కీలక పాత్రధారులు. ఈ సినిమాకు కెమెరా: ఆనం వెంకట్, లిరిక్స్ : ఎం.రమేష్, సంగీతం: రమేష్ ముక్కెర, రీరికార్డింగ్: రవిశంకర్, డీఐ: జైబీ టెక్ ప్రై. లిమిటెడ్.
Loading..