తెలంగాణా సినీ ఆర్టిస్ట్ అసోసియేషన్ వారు సి.ఎం రిలీఫ్ ఫండ్ కొరకు తెలంగాణా స్టార్స్ వర్సెస్ చెన్నై హీరోస్ స్టార్ క్రికెట్ మ్యాచ్ ను నిర్వహించనున్నారు. ఈ క్రికెట్ మ్యాచ్ లో విజేతలుగా నిలిచిన వారికి 'కాకతీయ కప్' ను ప్రెజెంట్ చేయనున్నారు. ఈ మ్యాచ్ ఆగస్ట్ 9, 2015 న ఎల్.బి. స్టేడియంలో జరగనుంది. ఈ సందర్భంగా సోమవారం హైదరాబాద్ లోని ఫిలిం ఛాంబర్ లో విలేకర్ల సమావేశం ఏర్పాటు చేసారు. ఈ సమావేశంలో తెలంగాణా క్రికెట్ టీం కెప్టెన్ ఆకాష్, గౌరావధ్యక్షుడు నాగరాజు, అధ్యక్షుడు సంగ కుమార్ పాల్గొన్నారు. ఈ సందర్భంగా..
ఆకాష్ మాట్లాడుతూ "తెలంగాణా స్టార్స్ తో తెలుగు హీరోలు కలిసి అన్నాదమ్ములుగా ఒక టీం తో ఆడుతున్నాము. తెలుగు వారియర్స్ లో ఉన్న ప్లేయర్స్ కూడా ఈ మ్యాచ్ లో పాల్గొననున్నారు. చెన్నై టీం కెప్టెన్ గా జీవా వ్యవహరిస్తున్నారు. ఈ మ్యాచ్ ను ఆగస్ట్ 9న మధ్యాహ్నం 2 గంటలకు ఎల్.బి.స్టేడియం లో నిర్వహిస్తున్నాం. దీని ద్వారా వచ్చిన ఆదాయాన్ని తెలంగాణా సి.ఎం రిలీఫ్ ఫండ్ కు ఇవ్వడం జరుగుతుంది. అందరు ప్రోత్సహిస్తారని ఆశిస్తున్నాను" అని చెప్పారు.
నాగరాజు మాట్లాడుతూ "ఆగస్ట్ 9 న మధ్యాహ్నం రెండు గంటల నుండి తొమ్మిది గంటల వరకు ఈ మ్యాచ్ నిర్వహిస్తున్నాం. ప్రేక్షకుల వినోదం కోసం డాన్సు ప్రోగ్రామ్స్ తో పాటు, జబర్దస్త్ టీం కామెడీ షో కూడా ఉంది. అన్ని ఏరియాల నుండి వస్తున్న నృత్య కళాకారులు ఈ కార్యక్రమంలో పాల్గొంటారు. ఈ మ్యాచ్ అనంతరం ఆగస్ట్ 10 నుండి తెలంగాణా సినీ ఆర్టిస్ట్ అసోసియేషన్ బ్యానర్ గా మొదటి చిత్రాన్ని ప్రారంభిస్తున్నాం" అని చెప్పారు.
తెలంగాణా స్టార్స్ టీం: ఆకాష్, నిఖిల్, సందీప్ కిషన్, మనోజ్ నందం, ప్రిన్స్, శివారెడ్డి, సంపత్ కుమార్, సంగా అభినయ్, సంపూర్నేష్ బాబు, నాగరాజు, అశ్విని, ధనరాజ్, సత్యం రాజేష్, నల్ల వేణు, దిలీప్.
చెన్నై హీరోస్ టీం: జీవా, ఆర్య, విశాల్, శ్యాం, భరత్, రమణ, విష్ణు, విక్రాంత్, పృథ్వి, అశోక్ సెల్వన్, నందన్ భాగ్యరాజ్.
Loading..