నితిన్‌తో త్రివిక్ర‌మ్ సినిమానా?!

పూరితో న‌టించే ఛాన్స్ పోగొట్టుకొన్నాడే అని నితిన్ గురించి బాధ‌ప‌డాల్సిన అవ‌స‌రం లేదు. అందుకు త‌గ్గ మ‌రో అవ‌కాశం ఆయ‌న చేతికి అందిన‌ట్టు స‌మాచారం. ఏకంగా త్రివిక్ర‌మ్ సినిమాలో న‌టించే అవ‌కాశాన్ని నితిన్ సొంతం చేసుకొన్న‌ట్టు ప్ర‌చారం సాగుతోంది. `స‌న్నాఫ్ స‌త్య‌మూర్తి` త‌ర్వాత త్రివిక్ర‌మ్ మ‌రో సినిమా ప‌ట్టాలెక్కించ‌లేదు. మ‌హేష్‌, ప‌వ‌న్‌క‌ళ్యాణ్‌లాంటి స్టార్ల‌తో సినిమాలు చేయాల‌నుకొన్నాడు కానీ... వాళ్లంతా డిఫ‌రెంట్ ప్రాజెక్ట్స్‌తో బిజీ అయిపోయారు. మ‌హేష్‌తో సినిమా చేయాలంటే ఫిబ్ర‌వ‌రి వ‌ర‌కు ఆగాలి. ప‌వ‌న్‌తో సినిమా అన్నా అంతే. అందుకే ఈ గ్యాప్‌లో ఓ యంగ్ హీరోతో సినిమా లాగించేయాల‌ని త్రివిక్ర‌మ్ ఫిక్స్ అయ్యాడ‌ట‌. అందుకోసం నితిన్‌, నాగ‌చైత‌న్యలాంటి ఇద్ద‌రు ముగ్గురు కథానాయ‌కుల్ని పరిశీలించాడ‌ట‌. చివ‌రికి నితిన్ అయితేనే బాగుంటుంద‌ని త్రివిక్ర‌మ్ ఫిక్స్ అయిన‌ట్టు ప్ర‌చారం సాగుతోంది.త్వ‌ర‌లోనే ఈ కాంబినేష‌న్‌లో సినిమా సెట్స్‌పైకి వెళ్ల‌బోతోంద‌ని ప‌రిశ్ర‌మ వ‌ర్గాలు మాట్లాడుకొంటున్నాయి. ఇదే వార్త గ‌న‌క నిజ‌మైతే నితిన్ జాక్‌పాట్ కొట్టిన‌ట్టే. మామూలుగా అయితే ఆయ‌న పూరితో `లోఫ‌ర్‌` అనే సినిమా చేయాల‌నుకొన్నాడు. కానీ కొన్ని కార‌ణాల‌వ‌ల్ల ఆ సినిమా ఆగిపోయిన విష‌యం తెలిసిందే.