ఆ ఇద్దరూ థర్డ్ పార్ట్కి రెడీ అవుతున్నారు.!
సూర్య, హరి కాంబినేషన్లో వచ్చిన సింగం, సింగం2 చిత్రాలు ఎంతగా ప్రేక్షకాదరణ పొందాయో అందరికీ తెలిసిందే. సింగం చిత్రాన్ని హిందీలో కూడా రీమేక్ చేశారు. ఇప్పుడు సింగం3 చిత్రం కోసం సూర్య, హరి రెడీ అవుతున్నారు. దాదాపు 9 నెలలపాటు ఈ స్క్రిప్ట్పై వర్క్ చేసి ఫైనల్ చేశాడు హరి. స్క్రిప్ట్ పట్ల సూర్య కూడా చాలా సంతృప్తిగా వున్నాడట. సెప్టెంబర్లో ఈ చిత్రం షూటింగ్ స్టార్ట్ అవుతుంది. తమిళనాడులోని కొన్ని ప్రదేశాలతోపాటు గోవా, ఫ్రాన్స్లలో ఈ చిత్రం షూటింగ్ జరుగుతుంది. పర్టిక్యులర్గా ప్యారిస్లో ఎక్కువ భాగాన్ని షూట్ చేస్తారట. సింగం, సింగం2 చిత్రాలకు దేవిశ్రీప్రసాద్ సంగీతాన్నందించగా, మూడో భాగానికి కొలవరి ఫేమ్ అనిరుధ్ రవీందర్ మ్యూజిక్ చెయ్యబోతున్నాడు. ఈ చిత్రంలో అనుష్క, శృతి హాసన్ హీరోయిన్లుగా నటిస్తారు. నాజర్, రాధారవిలతోపాటు మరికొంత మంది ప్రముఖ తారాగణం ఈ చిత్రంలో నటిస్తారు. సింగం, సింగం2 చిత్రాల కంటే ఈ స్క్రిప్ట్ చాలా బాగా వచ్చిందని హరి చెప్తున్నాడు. ఈమధ్యకాలంలో సరైన హిట్ లేని సూర్య ఈ సినిమా మీద ఎక్కువ నమ్మకం పెట్టుకున్నాడు. తెలుగులో కూడా రిలీజ్ అయ్యే విధంగా ఈ చిత్రాన్ని చిత్రీకరించడానికి ప్లాన్ చేస్తున్నాడు డైరెక్టర్ హరి.
