‘దశావతారం’, ‘విశ్వరూపం’ వంటి మెస్మరైజింగ్‌ చిత్రాల తర్వాత కమల్ హాసన్ చేసిన మరో విలక్షణమైన చిత్రం ‘ఉత్తమవిలన్‌’. తిరుపతి బ్రదర్స్‌ ఫిల్మ్‌ మీడియా ప్రై.లి., రాజ్‌కమల్‌ పిల్మ్‌ ఇంటర్నేషనల్‌ బ్యానర్స్‌పై ఈరోస్‌ ఇంటర్నేషనల్‌ సమర్పణలో ఈ చిత్రం రూపొందింది. ఈ చిత్రాన్ని తెలుగు ప్రేక్షకులకు సి.కె.ఎంటర్‌టైన్మెంట్స్‌ ప్రై.లి.బ్యానర్‌పై సి.కళ్యాణ్‌ అందిస్తున్నారు. రమేష్‌ అరవింద్‌ దర్శకత్వం వహించిన ఈ చిత్రానికి జిబ్రాన్‌ సంగీతాన్ని అందించారు. ఈ చిత్రం అన్ని కార్యక్రమాలు పూర్తి చేసుకొని మే 2 న విడుదలయి మంచి టాక్ ను సొంతం చేసుకుంది. ఈ సందర్భంగా నిర్మాత సి.కళ్యాన్ మాట్లాడుతూ "మే1 న ప్రేక్షకుల ముందుకు రావాల్సిన ఈ చిత్రాన్ని కొన్ని అనివార్య కారణాల వలన శనివారం ఫస్ట్ షో నుండి థియేటర్లలో ప్రదర్శింపజేయడం జరిగింది. మూడు రోజులు ఈ చిత్రం కోసం పోరాడితే నిన్న షో వేయగలిగాం. దీనికి సహకరించిన తమిల్ ఫిలిం ప్రొడ్యూసర్స్ కౌన్సిల్ వారికి నా ధన్యవాదాలు. భారీ అంచనాలతో విడుదలయిన ఈ చిత్రాన్నికి మంచి ఓపెనింగ్స్ వచ్చాయి. ఫ్యామిలీ ఆడియన్స్ కి ఈ సినిమా బాగా కనెక్ట్ అయింది. ఎమోషనల్ సీన్స్ ప్రేక్షకులను ఎంతగానో ఆకట్టుకున్నాయి. ఈ సినిమాలో ఏ హీరో చేయని క్యారెక్టర్ లో కమల్ హాసన్ నటించి ప్రేక్షకులను మెప్పించారు" అని అన్నారు.
బి.ఏ.రాజు మాట్లాడుతూ "కమల్ గారి నటనతో ఈ సినిమాను మరో స్థాయికి తీసుకువెళ్ళారు. సినిమా ఘన విజయం సాధించాలని కోరుకుంటున్నాను" అని అన్నారు.
కుమార్ బాబు మాట్లాడుతూ "ప్రేక్షకులు ఎంతగానో ఎదురుచూసిన ఈ చిత్రానికి మొదటి రోజు మంచి రెస్పాన్స్ వచ్చింది. క్లైమాక్స్ ఎవరు ఊహించని విధంగా ఉంటుంది. ఊర్వశి గారి పాత్ర సినిమాకి హైలైట్ అనే చెప్పాలి. సాగరసంగమం సినిమా తరువాత కమల్ హాసన్ అధ్బుతంగా డాన్స్ చేసిన సినిమా ఇది" అని అన్నారు.
Loading..