కిరీటి, నీసా జంటగా లిబ్రా మీడియా అండ్‌ ఎంటర్‌టైన్‌మెంట్స్‌ పతాకంపై లిబ్రా మీడియా దర్శకత్వంలో మహ్మద్‌ అన్సారి ఈ చిత్రాన్ని నిర్మించారు. ఈ చిత్రానికి సంబంధించిన ట్రైలర్‌ గురువారం ప్రసాద్‌ ల్యాబ్‌లో విడుదల చేశారు. ఈ సందర్భంగా...
కిరిటీ: టాలెంటెడ్‌ ఆర్టిస్టులు, టెక్నీషియన్స్‌ కలిసి చేసిన సినిమా ఇది. ఎ.ఆర్‌.రెహమాన్‌ స్కూల్‌లో సంగీతం నేర్చుకున్న రోహిత్‌కుమార్‌ ఈ సినిమాకి మ్యూజిక్‌ చేశారు. ఒక సాధారణ వ్యక్తి ఆర్‌.బి.ఐ నుండి తెలివిగా ఎలా డబ్బు కొట్టేశాడనే కాన్సెప్ట్‌తో రూపొందిన సినిమా ఇది.
రోహిత్‌కుమార్‌: ఇది ఒక ఇంటలెక్చువల్‌ సినిమా. మంచి స్క్రీన్‌ప్లేతో అందరికీ అర్థమయ్యేలా ఈ చిత్రాన్ని రూపొందించడం జరిగింది. మంచి బ్యాక్‌గ్రౌండ్‌ స్కోర్‌ చేయడానికి స్కోప్‌ వున్న సినిమా ఇది. అందరూ చూడాల్సిన సినిమా ఇది.
మహ్మద్‌ అన్సారి: సినిమా చాలా బాగా వచ్చింది. రోహిత్‌ మ్యూజిక్‌, రాజేంద్రనాథ్‌ ఫోటోగ్రఫీ సినిమాకి పెద్ద హైలైట్‌ అవుతాయి. హాలీవుడ్‌ సినిమాని గుర్తు తెచ్చేలా ఈ చిత్రాన్ని రూపొందించడం జరిగింది.
రాజేంద్రనాథ్‌: సినిమాటోగ్రాఫర్‌గా నాకు ఇది తొలి సినిమా. కిరీటి చాలా మంచి కథ ఇచ్చారు. తప్పకుండా ఈ సినిమా అందరికీ నచ్చుతుంది.
శ్రీనివాస్‌, గోవింద్‌, సంపత్‌రాజ్‌ తదితరులు ఇతర ముఖ్యపాత్రలు పోషించిన ఈ చిత్రానికి మాటలు: శ్రీనాథ్‌, సినిమాటోగ్రఫీ: రాజేంద్రనాథ్‌, సంగీతం: రోహిత్‌కుమార్‌, నిర్మాత: మహ్మద్‌ అన్సారి, దర్శకత్వం: లిబ్రా మీడియా.
Loading..