సుదీర్ సమర్పణలో హైదరాబాద్ ఫిల్మ్ ఇన్నోవేటీస్ ప్రై లిమిటెడ్ పతాకంపై మన్ మోహన్ దర్శకత్వంలో బాస్కర్, సారికా శ్రీనివాస్ సంయుక్తంగా నిర్మిస్తున్న సినిమా 'బుడుగు'. ఈ సినిమా అన్ని కార్యక్రమాలు ముగించుకొని ఈనెల 17న ప్రేక్షకుల ముందుకు రానుంది. ఈ సందర్భంగా ప్రొడ్యూసర్ భాస్కర్ మాట్లాడుతూ "ఫామిలీ డ్రామా తో కూడిన ఓ సైకలాజికల్ థ్రిల్లర్ సినిమా బుడుగు. ఈ సినిమా ట్రైలర్స్ కి, పాటకు ఇండస్ట్రీ నుండి మంచి స్పందన వస్తోంది. ఏప్రిల్ 17న రెండు తెలుగు రాష్ట్రాల్లో 100 థియేటర్లలో ఈ చిత్రాన్ని విడుదల చేస్తున్నాం.ఈ సినిమా ప్రీప్రొడక్షన్, పోస్ట్ ప్రొడక్షన్ లో వచ్చిన అనుభవంతో ఓ షార్ట్ ఫిల్మ్ ను తీయాలని భావిస్తున్నాను" అని తెలిపారు.
దర్శకుడు మన్ మోహన్ మాట్లాడుతూ "ఇది నా రెండవ సినిమా. 8 సంవత్సరాల అబ్బాయికి, తన ఫ్యామిలీ కి జరిగిన రియల్ ఇన్సిడెంట్స్ ఆధారంగా ఈ చిత్రాన్ని తెరకెక్కించాం. తల్లిదండ్రులు ముఖ్యంగా చూడాల్సిన సినిమా ఇది. మంచు లక్ష్మి, శ్రీధర్, ప్రేమ్ బాబు మంచి పెర్ఫార్మన్స్ ఇచ్చారు. సినిమా బ్యాక్ గ్రౌండ్ మ్యూజిక్ బాగా వచ్చింది. ఈ సినిమా ప్రేక్షకాదరణ పొందుతుందని భావిస్తున్నాను" అని చెప్పారు.
శ్రీధర్ రావు మాట్లాడుతూ ''ఈ సినిమా అన్ని వర్గాల వారికి నచ్చుతుంది" అని చెప్పారు.
ఈ చిత్రానికి మ్యూజిక్: సాయి కార్తిక్, డైరెక్టర్ ఆఫ్ ఫోటోగ్రఫీ: సురేష్ రగుతు, ఎగ్జిక్యూటివ్ ప్రొడ్యూసర్: వంశీ పులురి, ఎడిటింగ్: శ్యామ్ మెంగ.
Loading..