సిద్ధార్థ్‌, దీప సన్నిధి హీరోహీరోయిన్లుగా ప్రసాద్‌ రమర్‌ తమిళంలో రూపొందించిన ‘ఎనకుల్‌ ఒరువన్‌’ చిత్రాన్ని తెలుగులో ‘నాలో ఒకడు’ పేరుతో రాబోతోంది. కోనేరు కల్పన సారధ్యంలో కల్పన చిత్ర పతాకంపై ప్రకృతి ఈ చిత్రాన్ని తెలుగులో విడుదల చేస్తున్నారు. ఈ చిత్రం ఆడియో ఆవిష్కరణ మంగళవారం హైదరాబాద్‌లోని తాజ్‌ బంజారా హోటల్‌లో జరిగింది. ఆడియో హీరో నాని ఆవిష్కరించి తొలి సి.డి.ని హీరో సందీప్‌ కిషన్‌కి అందించారు. ప్రముఖ నిర్మాత సి.కళ్యాణ్‌ ‘నాలో ఒకడు’ థియేట్రికల్‌ ట్రైలర్‌ను ఆవిష్కరించారు. ఈ సందర్భంగా..
సి.కళ్యాణ్‌: ఈ సినిమా యూత్‌కి బాగా నచ్చుతుంది. ప్రకృతి తెలుగులో నిర్మాతగా చేస్తున్న తొలి సినిమా ఇది. ప్రసాద్‌ మంచి దర్శకుడు. సంతోష్‌ నారాయణ్‌ మ్యూజిక్‌ కూడా చాలా బాగుంది. ఈ సినిమా మంచి విజయం సాధించాలని కోరుకుంటున్నాను.
లక్ష్మీ మంచు: ఈ సినిమా తమిళ్‌ కంటే తెలుగులోనే పెద్ద హిట్‌ అవుతుందని నా నమ్మకం. సంతోష్‌ నారాయణ్‌ మ్యూజిక్‌ చాలా ఎక్స్‌లెంట్‌గా వుంది. ఈ సినిమా మంచి విజయం సాధించి కల్పనగారికి మంచి లాభాలు రావాలని కోరుకుంటున్నాను. నాని: ఈ సినిమాలో సిద్ధార్థ్‌ ఫస్ట్‌ టైమ్‌ రెండు షేడ్స్‌ వున్న ఓ డిఫరెంట్‌ క్యారెక్టర్‌ చేశాడు. ఈ టైటిల్‌ సిద్ధార్థ్‌కి బాగా సూట్‌ అవుతుంది. తప్పకుండా ఈ సినిమా పెద్ద సక్సెస్‌ అవుతుంది.
సిద్ధార్థ్‌: నాకు తెలుగు ఇండస్ట్రీతోనే ఎక్కువ అనుబంధం వుంది. నేను ఇప్పటివరకు చేసిన 25 సినిమాల్లో తెలుగు సినిమాలు 12 వున్నాయి. తెలుగు హీరోగా నేను ఎంతవరకు చెయ్యాలో అంతవరకు చేశాను. బొమ్మరిల్లు, నువ్వొస్తానంటే వంటి సినిమాలు నా కెరీర్‌లో త్వరగా వచ్చేశాయి. ఆ తర్వాత మళ్ళీ పెద్ద సినిమాలు రాలేదు. 2016లో మాత్రం రెండు తెలుగు సినిమాలు చెయ్యబోతున్నాను. ఈ సినిమా విషయానికి వస్తే ఇది ఒక డిఫరెంట్‌ ఎటెమ్ట్‌ అని చెప్పాలి. తెలుగు ఆడియన్స్‌కి తప్పకుండా నచ్చుతుంది. ఈ చిత్రాన్ని తెలుగులో రిలీజ్‌ చేస్తున్న కల్పనగారికి, ప్రకృతిగారికి థాంక్స్‌.
ప్రసాద్‌ రమర్‌: నాలో ఒకడు నా తొలి తెలుగు సినిమాగా విడుదల కావడం చాలా హ్యాపీగా వుంది. తెలుగు ప్రేక్షకులకు ఈ సినిమా తప్పకుండా నచ్చుతుంది.
రానా: సిద్ధార్థ్‌ మల్టీ టాలెంటెడ్‌ పర్సన్‌. కన్నడలో మంచి హిట్‌ అయిన సినిమాలని తమిళ్‌లో రీమేక్‌ చేశారు. ఇప్పుడు తెలుగులో నాలో ఒకడుగా వస్తున్న ఈ సినిమా కోసం నేను కూడా వెయిట్‌ చేస్తున్నాను.
సంతోష్‌ నారాయణ్‌: అద్వైతం అనే సినిమా ద్వారా తెలుగులో సంగీత దర్శకుడుగా పరిచయం అయ్యాను. ‘ఎనకుల్‌ ఒరువన్‌’ చిత్రం తమిళ్‌లో పెద్ద హిట్‌ అయింది. ‘నాలో ఒకడు’గా వస్తున్న ఈ చిత్రం తప్పకుండా విజయం సాధిస్తుంది.
Loading..