లక్ష్మీ మంచు, అడవి శేష్‌ ప్రధాన పాత్రధారులుగా విద్యా నిర్వాణ సమర్పణలో మంచు ఎంటర్‌టైన్‌మెంట్స్‌ ప్రై. లిమిటెడ్‌ పతాకంపై ఎన్‌.వంశీకృష్ణ దర్శకత్వంలో లక్ష్మీ మంచు నిర్మిస్తున్న చిత్రం ‘దొంగాట’. ఈ చిత్రం ఆవిష్కరణ శనివారం హైదరాబాద్‌లోని జె.ఆర్‌.సి. కన్వెన్షన్‌ సెంటర్‌లో పలువురు సినీ ప్రముఖుల సమక్షంలో జరిగింది. ఈ కార్యక్రమానికి ముఖ్యఅతిథిగా విచ్చేసిన డా॥ మోహన్‌బాబు ఆడియోను ఆవిష్కరించారు. రఘు కుంచె, సాయికార్తీక్‌, సత్యమహావీర్‌ ఈ చిత్రానికి సంగీతాన్ని అందించారు. ఈ ఆడియో మంచు మ్యూజిక్‌ ద్వారా విడుదలైంది. మంచు మ్యూజిక్‌ లోగోను కె.రాఘవేంద్రరావు, మంచు విష్ణు, శ్రీమతి నిర్మల, వివియానా, అరియానా, నిర్వాణ కలిసి ఆవిష్కరించారు. ఈ సందర్భంగా..
కె.రాఘవేంద్రరావు: దొంగాట అనే టైటిల్‌తో మంచు లక్ష్మీ చేస్తున్న ఈ సినిమాలో అందరు హీరోలను పెట్టి డబ్బు దోచుకోవాలని ప్రయత్నిస్తోంది. ఆమె ప్రయత్నం సక్సెస్‌ అయి సినిమా పెద్ద హిట్‌ కావాలని కోరుకుంటున్నాను.
నాగార్జున(ఎ.వి. ద్వారా): ఈ సినిమాలో గెస్ట్‌ రోల్‌ చేశాను. ఇందులో లక్ష్మీ పాడిన పాట నాకు బాగా నచ్చింది. ఈ సినిమాతో డైరెక్టర్‌గా పరిచయమవుతున్న వంశీకృష్ణ చాలా టాలెంటెడ్‌. ఈ సినిమా తప్పకుండా మంచి విజయం సాధిస్తుంది.
డా॥ మోహన్‌బాబు: క్రమశిక్షణ అనేది ఎన్టీఆర్‌గారు, అక్కినేని నాగేశ్వరరావుగారు, దాసరి నారాయణరావుగారి దగ్గర నేర్చుకున్నాం. ఏ పనిచేసినా క్రమశిక్షణ వుండాలనేది నా పాలసీ. నేను లక్ష్మీని చదువుకొమ్మని చెప్పాను. అయితే చదువుకొని సినిమా రంగానికి వచ్చింది. నిర్మాతగా కూడా మారింది. మంచి సినిమాలు చెయ్యమని సలహా ఇచ్చాను. ఈ సినిమా మంచి సక్సెస్‌ కావాలని భగవంతుడ్ని కోరుతున్నాను. లక్ష్మీని సింగర్‌ చేయాలని తన చిన్నప్పుడే అనుకున్నాను. ఎవరి దగ్గరికి తీసుకెళ్ళినా ఆ అవకాశం రాలేదు. అయితే ఈ సినిమాలో లక్ష్మీ పాడిన పాట విని నేను చాలా హ్యాపీగా ఫీల్‌ అయ్యాను. ఎల్‌.ఆర్‌. ఈశ్వరి వాయిస్‌ని మళ్ళీ గుర్తు చేసిందనిపించింది. ఈ సినిమా విషయానికి వస్తే రషెస్‌ చూశాను. నాకు బాగా నచ్చింది. చాలా డిఫరెంట్‌గా వుంది. ఈ సినిమా తప్పకుండా పెద్ద విజయం సాధించాలని కోరుకుంటూ యూనిట్‌లోని అందరికీ ఆల్‌ ది బెస్ట్‌ చెప్తున్నాను.
తమన్నా: నా ఫస్ట్‌ మూవీ మోహన్‌బాబుగారి బేనర్‌లో చేశాను. అప్పటి నుంచి నాకు లక్ష్మీ పరిచయం. చాలా హెల్ప్‌ఫుల్‌గా వుంటుంది. ఈ సినిమాలో తను పాడిన పాట నాకు బాగా నచ్చింది. వంశీకృష్ణ ‘శ్రీ’ సినిమా చేసే టైమ్‌ నుంచి పరిచయం. తను ఈ సినిమా ద్వారా దర్శకుడుగా పరిచయం అవుతున్నందుకు చాలా హ్యాపీగా వుంది.
మంచు లక్ష్మీ: నేను సింగర్‌ కావాలన్న నాన్నగారి కోరిక ఈ సినిమాతో తీరింది. పాట విని చాలా హ్యాపీగా ఫీల్‌ అయ్యారు, నన్ను మెచ్చుకున్నారు. సినిమా చాలా బాగా వచ్చింది. ఒక మంచి సినిమా చెయ్యడంలో యూనిట్‌లోని ప్రతి ఒక్కరి సపోర్ట్‌ వుంది. తప్పకుండా ఈ సినిమా అందరికీ నచ్చుతుంది.
మంచు విష్ణు: అక్క మంచి నటి, మంచి నిర్మాతగానే కాకుండా మంచి సింగర్‌ కూడా అని ఈ సినిమాలో తను పాడిన పాట ద్వారా ప్రూవ్‌ చేసుకుంది. ఇప్పుడు మంచు మ్యూజిక్‌ అనే ఆడియో సంస్థను స్టార్ట్‌ చేసింది. ఈ యూనిట్‌లోని అందరికీ ఆల్‌ ది బెస్ట్‌ చెప్తున్నాను.
మంచు మనోజ్‌: ఈ చిత్ర దర్శకుడు వంశీ నేను ఇంటర్మీడియట్‌లో వున్నప్పటి నుంచే పరిచయం. ఈ సినిమా బాగా వచ్చిందని అందరూ చెప్తున్నారు. ఈ సినిమా ఎప్పుడు రిలీజ్‌ అవుతుందా అని నేను కూడా అందరిలాగే ఎదురుచూస్తున్నాను.
సుధీర్‌బాబు: ఈ సినిమాలో అందరు హీరోలతో కలిసి నటించడం మంచి కిక్‌ ఇచ్చింది. నా ఫస్ట్‌ మూవీ ఏమాయ చేసావెలో నా ఫస్ట్‌ షాట్‌ని గౌతమ్‌ మీనన్‌ లేకపోతే తనే డైరెక్ట్‌ చేశాడు. ఈ సినిమా ఎలా తీసి వుంటాడోనని నేను కూడా ఎదురుచూస్తున్నాను.
వంశీకృష్ణ: మోహన్‌బాబుగారి చేతులమీదుగా ఈ ఆడియో రిలీజ్‌ అవ్వడం చాలా హ్యాపీగా వుంది. రఘుకుంచె, సాయికార్తీక్‌, సత్య మహావీర్‌ ఈ సినిమాకి చాలా ఎక్స్‌లెంట్‌ మ్యూజిక్‌ చేశారు. ఈ సినిమా బాగా రావడానికి నాకు సపోర్ట్‌ చేసిన అందరికీ థాంక్స్‌.
ఇంకా ఈ ఆడియో ఫంక్షన్‌లో బి.గోపాల్‌, ఎస్‌.గోపాల్‌రెడ్డి, అడవి శేష్‌, చైతన్య, ప్రవీణ్‌ సత్తార్‌, చాణక్య బూనేటి, దశరథ్‌, మధునందన్‌, రఘు కుంచె, సాయికార్తీక్‌, నరేష్‌, దశరథ్‌, సుమంత్‌, సుశాంత్‌లతోపాటు చిత్ర యూనిట్‌ సభ్యులు పాల్గొన్నారు.
Loading..