త్రివిక్రమ్‌ అనుకున్నది సాధిస్తాడా..? త్రివిక్రమ్‌ అనుకున్నది సాధిస్తాడా..?

'అత్తారింటికి దారేది' వంటి బ్లాక్‌ బాస్టర్‌ హిట్‌ తర్వాత త్రివిక్రమ్‌ రూపొందిస్తున్న 'సన్నాఫ్‌ సత్యమూర్తి'పై అభిమానుల్లో భారీ అంచనాలున్నాయి. ఇక 'జులాయి' తర్వాత అల్లు అర్జున్‌, త్రివిక్రమ్‌ల కాంబినేషన్‌లో వస్తున్న సినిమా కావడంతో ఈ సినిమాపై మెగా అభిమానుల అంచనాల గురించి కూడా ప్రత్యేకంగా చెప్పనక్కరలేదు. దీంతో ఈ సినిమాపై త్రివిక్రమ్‌ ప్రత్యేక శ్రద్ధ తీసుకున్నట్లు సమాచారం. సినిమాలో సర్‌ప్రైజింగ్‌ ఎలిమెంట్స్‌ అధికంగా ఉండేలా త్రివిక్రమ్‌ జాగ్రత్తపడుతున్నట్లు తెలుస్తోంది. అందులో భాగంగానే ఈ సినిమాలో నటిస్తున్న ఉపేంద్ర క్యారెక్టర్‌ గురించి ఏమాత్రం కూడా విషయం లీక్‌ కాకుండా దర్శకుడు చర్యలు తీసుకున్నారు. ఇటీవలే విడుదలైన ఈ సినిమా ట్రైలర్‌లో ప్రతి క్యారెక్టర్‌ గురించి చూపించిన దర్శకుడు ఉపేంద్ర క్యారెక్టర్‌ బయటపడకుండా జాగ్రత్తవహించినట్లు చిత్ర యూనిట్‌ చెబుతోంది. మరి అభిమానుల అంచనాలను ఉపేంద్ర క్యారెక్టర్‌తో త్రివిక్రమ్‌ ఏమాత్రం అందుకుంటారో వేచిచూడాల్సిందే..!