సాయిదీపు, రాజ్‌ధీర్‌, సితార, విశాలి ప్రధాన పాత్రల్లో ఎవ్రీ డే మూవీస్‌ పతాకంపై జె.డి. దర్శకత్వంలో జగదీష్‌, కడారి ప్రభాకర్‌ నిర్మిస్తున్న చిత్రం ‘లయన్‌’. ఈ చిత్రానికి సంబంధించిన లోగో ఆవిష్కరణ గురువారం హైదరాబాద్‌లోని ఫిలిం ఛాంబర్‌లో జరిగింది. ప్రముఖ సంగీత దర్శకుడు ఘంటాడి కృష్ణ ‘లయన్‌’ లోగోను ఆవిష్కరించారు. ఈ సందర్భంగా..
ఘంటాడి కృష్ణ: జె.డి. మంచి టాలెంట్‌ వున్న డైరెక్టర్‌. ఇంతకుముందు ‘చిలిపిగా’ అనే పేరుతో ఒక సినిమా స్టార్ట్‌ చేశాం. అయితే అది మధ్యలోనే ఆగిపోయింది. ఇప్పుడు లేటెస్ట్‌గా జె.డి. చేస్తున్న ‘లయన్‌’ కాన్సెప్ట్‌ చాలా బాగుంటుంది. ఆ టైటిల్‌లోనే చాలా ఫోర్స్‌ వుంది. ఈ సినిమాలో మ్యూజిక్‌కి చాలా ఇంపార్టెన్స్‌ వుంది. మ్యూజిక్‌ చాలా బాగా వచ్చింది. సినిమా కూడా బాగుంటుంది. తప్పకుండా మీ అందరికీ నచ్చే సినిమా అవుతుంది.
జగదీష్‌: ఈ చిత్రానికి నిర్మాతగానే కాకుండా దర్శకుడుగా కూడా బాధ్యతలు నిర్వర్తిస్తున్నాను. నాకు సినిమా అంటే ప్రాణం. మా మిత్రులతో కలిసి ఈ సినిమా చేస్తున్నాను. ‘లయన్‌’ టైటిల్‌ని సంవత్సరం క్రితమే రిజిష్టర్‌ చేయించాను. ఈ టైటిల్‌ని బాలకృష్ణగారి సినిమా కోసం అడిగారు. కానీ, నేను ఇవ్వలేదు. ఎందుకంటే ‘లయన్‌’ అనే టైటిల్‌ మా సబ్జెక్ట్‌కి పర్‌ఫెక్ట్‌గా సూట్‌ అవుతుంది. ఒక షెడ్యూల్‌ కంప్లీట్‌ చేశాం. ప్రస్తుతం రెండో షెడ్యూల్‌ జరుగుతోంది.
సాయిదీపు: ఈ సినిమాలోని క్యారెక్టర్‌కి నేను సూట్‌ అవుతానని నన్ను సెలెక్ట్‌ చేసుకున్నారు. నిజానికి నేను అసిస్టెంట్‌ డైరెక్టర్‌గా వర్క్‌ చేసేవాడిని. నాకు ఇంత మంచి అవకాశం ఇచ్చిన దర్శకనిర్మాతలకు నా ధన్యవాదాలు.
సితార: సినిమా చాలా బాగా వస్తోంది. అనుకున్న టైమ్‌లో సినిమాని పూర్తి చెయ్యడం కోసం మా పూర్తి సహకారాన్ని అందిస్తున్నాం.
సాయిదీపు, సితార, విశాలి, రాజ్‌ధీర్‌, రాజ్‌బాల, సోనాదత్‌, వైభవ్‌, సురేష్‌ పాణి కీలక పాత్రలు పోషిస్తున్న ఈ చిత్రానికి సంగీతం: ఘంటాడి కృష్ణ, కెమెరా: చక్రి, ఎడిటర్‌: ఆనంద్‌, ఎగ్జిక్యూటివ్‌ నిర్మాత: రమణిరెడ్డి, ప్రొడక్షన్‌ డిజైనర్‌: మహేష్‌ కృష్ణ, రచన, దర్శకత్వం: జె.డి.
Loading..