శ్రీకాంత్‌ హీరోగా ఆండాళ్‌ మీడియా ప్రై. లిమిటెడ్‌ సమర్పణలో అనగాని ఫిలింస్‌, సుబ్రహ్మణ్యేశ్వర ఆర్ట్‌ క్రియేషన్స్‌ పతాకాలపై కరణం పి.బాబ్జీ(శ్రీనివాస్‌) దర్శకత్వంలో ఎ.వి.వి.దుర్గాప్రసాద్‌ నిర్మిస్తున్న చిత్రానికి ‘మెంటల్‌ పోలీస్‌’ అనే టైటిల్‌ని కన్‌ఫర్మ్‌ చేశారు. ఈ చిత్ర విశేషాలను తెలిపేందుకు హీరో శ్రీకాంత్‌, దర్శకుడు కరణం పి.బాబ్జీ, ఎ.వి.వి.దుర్గాప్రసాద్‌, నటుడు నర్సింగ్‌ యాదవ్‌ మీడియాతో సమావేశమయ్యారు.
శ్రీకాంత్‌: పోలీస్‌ క్యారెక్టర్స్‌ ఇంతకుముందు చాలా సినిమాలో చేశాను. ఆపరేషన్‌ దుర్యోధన చిత్రంలో పోలీస్‌గా, పొలిటికల్‌ లీడర్‌గా రెండు రకాల క్యారెక్టర్స్‌ చేశాను. ఈ చిత్రంలో నేను చేస్తున్న పోలీస్‌ క్యారెక్టర్‌ వాటన్నింటికీ డిఫరెంట్‌గా వుంటుంది. ఈ సినిమాలో నేను చేస్తున్న క్యారెక్టర్‌కి ‘మెంటల్‌ పోలీస్‌’ అనే టైటిల్‌ పూర్తి యాప్ట్‌ అవుతుంది. సమాజంలో అన్యాయాలు, అక్రమాలు చేసే వారికి మెంటల్‌ పోలీస్‌గా కనిపిస్తూ వారి ఆట ఎలా కట్టించాడన్నది కథాంశంగా ఈ చిత్రం రూపొందుతోంది. ఈ చిత్రాన్ని డైరెక్ట్‌ చేస్తున్న శ్రీనివాస్‌ బేసిక్‌గా రైటర్‌. చాలా మంచి కథ చెప్పాడు. ఈ సినిమాకి ఆయన డైరెక్టర్‌ అయితేనే కథకు న్యాయం జరుగుతుందనిపించింది. ఈ సినిమా బాగా రావడంలో నిర్మాత సపోర్ట్‌ చాలా వుంది. ఈ సినిమాని విజయవాడలో స్టార్ట్‌ చేసి అక్కడే ఫస్ట్‌ షెడ్యూల్‌ కంప్లీట్‌ చేశాం. హైదరాబాద్‌లో రెండో షెడ్యూల్‌ స్టార్ట్‌ చేశాం. ఇందులో సపోర్టింగ్‌ క్యారెక్టర్స్‌ కూడా చాలా బాగుంటాయి. ఆడియన్స్‌కి ఒక కొత్త ఫీల్‌ని కలిగించే సినిమా ఇది.
కరణం పి.బాబ్జీ(శ్రీనివాస్‌): ఈ సబ్జెక్ట్‌కి తగ్గట్టుగా ‘మెంటల్‌ పోలీస్‌’ అనే టైటిల్‌ని పెట్టడం జరిగింది. శ్రీకాంత్‌గారు నటించిన ‘ఖడ్గం’ నా ఆల్‌టైమ్‌ ఫేవరెట్‌ మూవీ. ఆపరేషన్‌ దుర్యోధన ఎంత వెరైటీగా వుంటుందో అందరికీ తెలిసిందే. ఈ రెండు సినిమాలు కలిపితే ‘మెంటల్‌ పోలీస్‌’. జనంలోకి ఫాస్ట్‌గా దూసుకెళ్తుందన్న ఉద్దేశంతోనే ఈ టైటిల్‌ని పెట్టాం. ఈ సినిమా తప్పకుండా ప్రేక్షకాదరణ పొందుతుందని నమ్ముతున్నాను.
ఎ.వి.వి.దుర్గాప్రసాద్‌: ఈమధ్యకాలంలో ఆడియన్స్‌ థియేటర్స్‌కి ఎక్కువగా రావడం లేదన్న విషయం అందరికీ తెలిసిందే.ఒక అద్భుతమైన సబ్జెక్ట్‌తో రూపొందుతున్న ఈ సినిమా ఆడియన్స్‌ని థియేటర్‌కి రప్పిస్తుంది. శ్రీనివాస్‌ చాలా చక్కగా ఈ చిత్రాన్ని తెరకెక్కిస్తున్నారు. అలాగే శ్రీకాంత్‌గారు మాకు అన్నివిధాల తమ సహకారాన్ని అందిస్తున్నారు.
శ్రీకాంత్‌, అక్ష, కొండవలస, జీవా ప్రధాన పాత్రలు పోషిస్తున్న ఈ చిత్రానికి సినిమాటోగ్రఫీ: బుజ్జి కె., ఆర్ట్‌: సతీష్‌వర్మ, అసోసియేట్‌ డైరెక్టర్‌: దుర్గ డి.ఆర్‌., కో`డైరెక్టర్‌: మల్లిఖార్జున్‌, ఎగ్జిక్యూటివ్‌ ప్రొడ్యూసర్‌: పి.సత్యనారాయణ, నిర్మాత: ఎ.వి.వి.దుర్గాప్రసాద్‌, దర్శకత్వం: కరణం పి.బాబ్జీ(శ్రీనివాస్‌).
Loading..